Hansı şokoladı yemək faydalıdır?

Tərkibində mövcud olan güclü antioksidant xüsusiyyəti ilə vücuddakı toksinlərin atılmasına dəstək olan tünd şokoladın insan sağlamlığına faydaları çoxdur. Bunların arasında beyin funksiyalarının yaxşılaşdırılması, ürək sağlamlığının dəstəklənməsi, stresi azaltmaq kimi bir çox faydalar mövcuddur.

Bir neçə növü var: südlü, ağ, tünd şokolad və s. Bunları fərqləndirən tərkiblərindəki kakaonun miqdarıdır. Bəyaz şokoladda sadəcə şəkər və kakao yağı mövcuddur. Südlüdə isə süd ya da süd tozu, kakao yağı, kakao, şəkər mövcuddur. Tünd şokoladda isə sadəcə kakao yağı, kakao, şəkər mövcuddur. Şokolad üzərində bir neçə araşdırmalar aparılıb. Buna əsasən həddində istifadə edilən, kakao miqdarı normal olan şokoladın faydalarının çox olduğu bildirilib.

Bəs tünd şokoladın faydaları nələrdir?
Güclü antioksidantdır – Tünd şokoladın kakao miqdarı nə qədər çoxdursa, həm faydası həm də antioksidant xüsusiyyəti bir o qədər yüksəkdir deməkdir. Yüksək xolesterini aşağı salır, vücuddakı toksinlərin atılmasını təmin edir.

Ürək sağlamlığını qoruyur – Yüksək təzyiqi aşağı salır. Tərkibində yer alan flavanoller sayəsində vücuddakı nitrik oksit istehsalını artırır. Nitrik oksit, qan damarlarının genişlənməsi, qan dövranının sürətlənməsi və qan təzyiqinin düşməsi üçün faydalıdır.

Beyin funksiyalarını yaxşılaşdırır – Beyinə gedən qan axışını sürətləndirir. Yaddaşı gücləndirir. Diqqət əksikliyini aradan qaldırır.

Stresi azaldır – Xoşbəxtlik hormonunun istehsalını dəstəkləyir. Psixoloji sıxıntılar üçün faydalıdır. Endorfin hormonu, dopamin, serotonin və oksitosin maddəsi insanların xoşbəxt olmasını və özünü yaxşı hiss etməsini təmin edir.

Qan təzyiqini nizamlayır – Yüksək təzyiqi aşağı salır. Qan damarlarını genişləndirir. Bu səbəbdən yarana biləcək xəstəliklərin yaranma riskini aşağı salır.
Piylənmə riskini aşağı salır – Həzm sisteminin düzgün fəaliyyətini təmin edir. Normal çəkidə qalmağa kömək edir. Piylənmə riskini aşağı salır.

Bağırsaq sağlamlığını qoruyur – Bağırsaqlarda yararlı olaraq bilinən Lactobacillus və Bifidobacterium kimi bakteriyaların sayılarının artmasına dəstək olur. Həmçinin kakaonun tərkibindəki xüsusiyyətləri sayəsində bağırsaq şişləri kimi ciddi xəstəliklərin yaranma riskini aşağı salır.

Dərinin canlı qalmasını təmin edir – Tərkibində yer alan polifenoller dəridəki canlılığı artırır. Qan dövranını sürətləndirir və canlı qalmasını təmin edir.

Bəs zərərləri nələrdir?

Faydalı olsa da həddindən çox istifadəsi tövsiyə edilmir. Çox istifadə edilərsə piylənmə, diabet, yüksək təzyiq, yüksək xolesterin, ürək-damar xəstəlikləri kimi problemlər ortaya çıxa bilər. Bununla yanaşı allergik təsir göstərə bilər. Hansısa allergiya əlaməti görülərsə dərhal yeyilməsi dayandırılmalıdır.
Tərkibində hansı vitaminlər mövcuddur?

B qrupu vitaminlər

E vitamini

Kalsium

Maqnezium

Potasium

Kükürd

Tünd şokolad gündəlik nə qədər yeyilməlidir?

Gün ərzində ən çox 20-30 qram arasında və ən az tərkibində 60% kakao olan şokolad yeyilməlidir.