Goji berrinin faydaları və zərərləri

Goji berri, Çin, Tibet kimi Asiya tərəflərində yetişən meyvədir. Bu meyvənin şirin və yüngül dadı var. Çində tibbi məqsədlə istifadə edilir. Vitamin və mineral cəhətdən zəngindir. Tərkibində C vitamini, dəmir, sink, beta-karoten mövcuddur. Antioksidantdır. Bu və lif tərkibi ilə immunitet sistemini gücləndirir. Çiy olaraq istifadə edilməlidir. Ancaq qurudulmuş, bişmiş formalarında da təqdim edilir.

Faydaları nələrdir?

İmmuniteti gücləndirir: Tərkibində olan A və C vitamini müxtəlif problemlərin qarşısını almağa kömək olur.

Göz sağlamlığı üçün faydalıdır: Tərkibində olan karotenoidlər göz sağlamlığını qoruyur.

Dəri üçün faydalıdır: Dəridə meydana gələn problemləri aradan qaldırmağa kömək edir, günəşin zərərli şüalarına qarşı qoruyur.

Ürək sağlamlığını qoruyur.

Xərçənglə mübarizədə kömək edir: Tərkibində olan C vitamini, xərçəng hüceyrələri ilə mübarizə aparır. Antioksidant sayəsində şiş böyüməsi zəifləyir və zərərli maddələrin bədəndən atılmasına dəstək olur.

Sümük sağlamlığına faydalıdır: Tərkibində yer alan minerallar sayəsində sümük sağlamlığı üçün faydalıdır.

Streslə mübarizədə effektlidir: Goji berri mütəmadi olaraq istifadə edildiyi zaman sağlamlıq üçün faydalıdır. Stresi azaldır, yuxu keyfiyyətini artırır.

Qan şəkəri miqdarını tənzimləyir: Tərkibində mövcud olan polissakkaritlər vasitəsilə qan şəkəri səviyyələrini tənzimləyir.

Necə istifadə edilir?

Təzə ya da qurudulmuş vəziyyətdə bu formada istifadə edilə bilər:

Qurudulmuş Goji berri, qatıq, salatlara əlavə edilir. Şirniyyatlarda da istifadə edilir.

Yulaf əzməsinə də əlavə edilə bilər.

Goji berri, fındıq, badam kimi ləpələrlə qarışdırılıb istifadə edilir.

Çay olaraq da istifadə edilir. Qaynar suya əlavə edilib dəmlənilir və daha sonra içilir.

Yeməklərə də əlavə edilir. Ancaq diqqət edilməlidir ki, çox yeyilməsin.

Goji berrinin zərərləri nələrdir?
Faydalı olsa da bəzi insanların istifadəsi zamanı zərərli ola bilər.

Bu meyvə qan durulandırıcı, antibioktiklər kimi bəzi dərmanlar ilə reaksiyaya girərək əks təsirlərə yol aça bilər.

Allergik reaksiya yarada bilər. Qaşıntı, qızarıqlıq, nəfəs darlığı kimi simptomlar yaranarsa istifadəyə son qoyulmalıdır.

Mədə narahatçılığı yarada bilər. Mədə bulantısı, qusma, ishal kimi əlamətlər görülərsə mütəxəssisdən dəstək almaq tövsiyədir.

Çox istifadəsi zamanı qan şəkərinə təsir edir, şəkər xəstələri üçün problem yarada bilər.

Həddindən çox yeyildiyi zaman ürəyin sürətli döyünməsi, yuxu pozuntuları yarana bilər. Gün ərzində 35-40 qram istifadə edilməlidir. Qurudulan Goji berri isə bir ovucdan artıq yeyilməməlidir.