Diş protezlərinin növləri

Prostodonti olaraq da bilinən diş protezi müalicəsində məqsəd, hər şeydən öncə xəstənin estetik görüntüsünü yaxşılaşdırmaq, həyat keyfiyyətini və sevincini qazandırmaqdır.
Prosodonti diş funksiyalarını yenidən yaratmaqla bağlı bir diş həkimliyi sahəsidir.

Doktorinfo.az xəbər verir ki, zədəli, əksik və ya pis görünən dişlər, şəxsdə sağlamlıq və özgüvən cəhətdən ciddi nəticələr doğura bilər.

Protez müalicəsində xəstənin gözləntilərini anlamaq və bu gözləntiləri qarşılamaq əhəmiyyətlidir. Diş protezi tətbiqində uğura çata biməsi üçün təcrübəyə, ən son texnologiyaya ehtiyacı vardır. Şəxsə özəl müalicə planı hazırlanır.

Diş protezi bu formada sıralana bilər:

Əksik bir diş

Birdən artıq əksik diş

Tam dişsizlik

Diş qapaqları

Diş qapaqları, dişlərə istənilən formanı, rəngi və geometriyanı qazandıran invaziv olmayan incə protez qabıqlarıdır. Porselen qapaq, xüsusilə yüksək estetik standartlar və dayanıqlılıq kimi üstünlükləri bərabərində gətirərkən, müalicənin peşəkar həkim tərəfindən edilməsi də əsas rol oynayır.

Diş protezləri-Kronlar

Diş səthlərini bağlayan qalıcı bir protetik restavrasiya üsulu olaraq ifadə edə biləcəyimiz kronlar, dişin ideal formasını və rəngini əvvəlki halına gətirmək və kiçik düzəltmələr edilərək estetik görüntü qazandıran protez növlərindəndir.

Kronlar bu vəziyyətlərdə istifadə edilə bilər:

Çürüklər səbəbiylə əhəmiyyətli ölçüdə zərər görmüş dişlərdə

Çox sayda dolğu tərkibli dişlərdə

Qırılmış və xarab olan diş tiplərində

Aşınmış və aşınma səbəbiylə zərər görmüş dişlərdə

Kanal müalicəsindən sonra rəngi pozulan dişlərdə

Diş protezləri – Çıxarıla bilən diş protezləri

Çıxarıla bilən diş protezləri, çoxlu diş qüsurları və tamamilə dişsizlik kimi vəziyyətlərdə istifadə edilə bilən protez restavrasiyasıdır. Bu tətbiq ilə itirilən ağız funksiyaları geri qazanılır.

Tətbiq bu formada sıralana bilir:

Xəstənin öz dişlərinə dayanıqlı hərəkətli diş protezi: Xəstə tərəfindən çıxarıla bilir.

Tamamilə hərəkətli protez - Tam dişsizlik vəziyyətlərində istifadə edilir.

Çıxarıla bilən diş protezi istifadənin sümük səthinin itkisinə səbəb ola biləcəyi ağılda tutulmalıdır. Təbii dişləri olmayan xəstələr üçün implant yerləşdirildikdən sonra sümük sürüşməsini, itkisini ortadan qaldırmaq üçün şəxsə özəl, təbii protez yaradılır.