C vitamini nə üçün vacibdir?

C vitamin narıncı meyvələr olaraq da adlandırılan portağal, naringi, greyfurt, limonda mövcuddur. Suda asan əriyən quruluşa sahib olan vitaminin güclü antioksidant xüsusiyyəti vardır. İmmunitet sistemini gücləndirir və maddələr mübadiləsini tənzimləyir. İnsanlarda görülən vitamin əksikliklərindən biri də C vitaminidir. Bu əksikliyin artıq olduğu şəxslərdə qansızlıq, halsızlıq, vücud və oynaq ağrıları kimi şikayətlər meydana gələ bilər.

Bəs digər faydaları hansılardır?

Antioksidantdır – Bu xüsusiyyəti ilə hüceyrələri qoruyur və zərər dəyməsinin qarşısını alır. C vitamini sayəsində vücud daha gənc qalır və xəstəliklərə qarşı qoruyur.

Qan təzyiqini aşağı salır – Su içərisində asan əridiyi üçün böyrəkləri çalışdırır. Qan damarlarını rahatladaraq təzyiqin azalmasına təsir edir.

İmmunitet sistemini gücləndirir – Vücudu infeksiyalara qarşı qoruyur.

Dəmirin sovrulmasını artırır - Qidalar ilə vücuda alınan dəmirin bağırsaqlarda daha çox sovrulmasına yararlı ortamı meydana gətirir. Bu zaman sovrulma artaraq qansızlığın qarşısı alınır. Xüsusiyyətdən yararlanmaq üçün tərkibində dəmir olan ət, toyuq, balıq istifadə edilməlidir.
Dəri üçün faydalıdır – Nəmləndirici və yeniləyici xüsusiyyəti vardır. Dəridəki suyu saxlayır və nəmini itirməyə qoymur. Yaranan bəzi allergik problemlərin əleyhinə qoruyur.

Yaraları daha tez sağaldır –Vitamin, kollagen istehsalına dəstək verərək yaraların daha tez sağalmasına kömək edir.

Psixoloji problemlərə qarşı effektlidir – Stresə qarşı qoruyur. Zehni problemlərdən əziyyət çəkənlər üçün faydalıdır.

C vitamin hansı qidalarda mövcuddur?

Kartof, brokoli, ispanaq, pomidor, qarpız, portağal, qreyfurt, çiyələk və s.

C vitamini əksikliyi əlamətləri nələrdir?

Vitamin əksikliyinin yaranması bəzi simptomlarla özünü biruzə verir. C vitamininin əlamətləri aşağıdakı kimidir:

Anemiya

Dəri problemləri
Diş əti problemləri

Oynaqlarda ağrı

Halsızlıq, yorğunluq

İmmunitetin zəifləməsi

C vitamini vücudun ehtiyaclarını qarşılayır. Meyvə və tərəvəzlərdə bol miqdarda mövcuddur. Doğru qidalanma olarsa əlavə dərmana ehtiyac qalmaz. Əgər əksiklik yaranarsa qida əlavəsinə ehtiyac ola bilər. Əlavələr ağız yolu ilə alınan kapsul, suda əriyən həblər formasında ola bilər.
Bundan əlavə qeyd edək ki, həkimə müraciət etmədən alıb istifadə etmək doğru hesab edilmir.

Gündəlik nə qədər C vitamini qəbul edilməlidir?
Vitamin ehtiyacı şəxslərin yaşayış tərzinə görə dəyişik ola bilər. Böyüklərdə gündəlik ehtiyac təxminən 80 mg ola bilər. Ancaq siqaret istifadə edənlərdə, hamiləlik zamanı fərqli olmaq ehtimalı vardır. Siqaretdən istifadə edən kişilərdə vitamin ehtiyacı 120 mg, qadınlarda isə 110 mg olaraq bilinir.

C vitamini həddindən çox qəbul edildiyi zaman nə baş verə bilər?

Bunun bir sıra əks təsirləri ola bilər. Mədə bulantısı, qusma, yorğunluq, şiddətli baş ağrıları, dəri problemləri, qızarıqlıq, şişkinlik, qaşıntı və s kimi əlavə təsirlər müşahidə edilə bilər.