Bu giləmeyvə infarkt və iflicin qarşısını alır

Alimlər müəyyən ediblər ki, çiyələk qanda infarkt və insulta səbəb olan yağ yığılmasını azaldır.
KONKRET.azxarici KİV-ə istinadən xəbər verir ki, bir qrup yapon alimi çiyələyin insan orqanizminə təsiri ilə bağlı araşdırma aparıb.
Araşdırma zamanı onlar könüllülərə təzə çiyələk püresi verərək təcrübə keçiblər.
Alimlər təcrübədə iştirak edənlərdən analiz üçün qan nümunələri götürüblər. Nəticələr göstərib ki, onlarda təzə giləmeyvə qəbul etməyənlərə nisbətən aşağı sıxlıqlı lipoprotein və ya LDL yığılması əlamətləri daha az olub.
Qeyd edək ki, LDL qan damarlarının daralmasına və tıxanmasına səbəb olan zərərli xolesterol formasıdır.
Belə ki, çiyələyin aradan qaldırdığı qan laxtaları infarkt və ya insulta səbəb ola bilər.
Araşdırmalara görə, çiyələyin təsiri giləmeyvə yeyildikdən yarım saatdan dörd saata qədər davam edir. Alimlər bunu giləmeyvələrdə C vitamininin yüksək olması ilə əlaqələndirirlər.
İqbal Rzayev,
KONKRET.az