Uşaqlarda sidik yolu infeksiyaları

Uşaqlarda sidik yolu infeksiyaları geniş yayılmış problemdir. Qalıcı böyrək zədələnməsinə səbəb ola bilər, bu səbəbdən bu xəstəliyə zamanında diqqət göstərmək lazımdır. Xüsusilə də uşaqlarda səbəbi bilinməyən yüksək qızdırma varsa mütləq şəkildə ilk ağıla gələn sidik yolu infeksiyaları olmalıdır.

Bəs sidik yolu infeksiyası nədir?

Normal formada sidik steril olur. Yəni mikroblu olmur. Ancaq sidik analizindən artıq vəziyyətin necə olduğunu aşkar etmək mümkün olur.
Erkən diaqnoz qoyulmayıb, müalicə edilməyən uşaqlarda yüksək təzyiq xəstəliyi və böyrək çatışmazlığı yarana bilər. Həyatının ilk ili xaric olmaqla qızlarda daha çox müşahidə edilir. Kiçik yaşlı uşaqlar daha çox risk altındadırlar.

Sidik yolu infeksiyaların əlamətləri nələrdir?

Bir neçə formada özünü göstərə bilər:

Ağrılı sidiyə getmə

Yanma

Qaşınma

Göynəmə

Tez-tez tualet istəyi
Diaqnoz necə qoyulur?

Bunun üçün sidik analizi, qarın boşluğunun USM lazım olacaq. Gərək duyularsa qanda infeksiyanın çoxluğunu öyrənmək üçün qan analizi istənilə bilər. Əgər bu hal aşkarlanarsa mütləq gecikdirmədən müalicəyə başlanılmalıdır.

Xəstəliyin müalicəsi necə aparılır?

Antibiotik, müəyyən siroplar vasitəsilə müalicə edilir. Antibiotik qəbulu 5-7 gün ərzində davam etməlidir.Baş verən narahatçılıqdan asılı olaraq müəyyən vanna qəbulları tövsiyə edilə bilər. Belə problem zamanı, kəklikotu, çobanyastığı dəmləməsinin vannaları effektiv nəticə verir.

Bəs qorunma üçün nələr edilməlidir?

Bunun tamamilə qarşısını almaq çətindir. Ancaq gigiyenaya diqqət göstərməklə riski azaltmaq mümkündür. Sidiyə getdikdən sonra bakteriyaların daxil olma şansını azaltmaq üçün uşaqları ön hissədən arxaya doğru silmək doğru formadır.

Sabun bizə təmizlik mənbəyi kimi gəlsə də uşaqları hər dəfə sabunla, bol köpüklə yumaq düzgün deyil. Duş qəbulu zamanı istifadəniz yetərli olacaqdır.
Müntəzəm tualetə getmək, qarında saxlamamaq da riski azaldan faktorlardan biridir.