Uşaqlarda diş qulluğu nə zaman başlanılmalıdır?

Diş problemi uşaqdan böyüyə kimi hər kəsi narahat edən ağrılardan hesab edilir. Xüsusilə də uşaqlarda diş qulluğuna diqqətlə yanaşmaq gərəklidir.

Bes usaqlarda sud disine ne zaman qulluga baslanilmalidir?

Doktorinfo.az xəbər verir ki, körpələrdə diş yaranandan sonra diş qulluğuna önəm vermək lazımdır.

Hər valideyn uşağının ağız sağlamlığını qorumağa diqqət göstərir. Buna baxmayaraq diş çürüməsinə səbəb olan bakteriyalar başqasından da yoluxa bilər.
Belə ki, körpənin istifadə etdiyi butulma, qaşıq kimi bir çox əşyaların daha sonra valideynin ağzına vurulması, bu kimi zərərli bakteriyaların uşaq orqanizminə daxil olmasına yol aça bilər. Bunun üçün uşağa hansısa qida verilən zaman onun isti və ya soyuq olmasına əl vasitəsilə nəzarət edilməlidir.

Çıxan ilk süd dişləri uşağın ayına, yaşına uyğun fırça ilə təmizlənməlidir.

Süd və süd məhsullarından istifadə çürüklərin yaranmasının nisbətən qarşısını ala bilər.

Digər hansı nüanslara diqqət edilməlidir?

Şirin məhsullardan uzaq durulmalıdır..

Şirin çay uşağa zərərlidir. Bu səbəbdən suyun verilməsi tövsiyədir. Şirin qida qəbulundan sonra ağız mütləq su ilə çalxalanmalıdır.

Diş fırçası 2-3 aydan bir dəyişdirilməlidir.

İlkin çürük zamanı həkim müayinəsi mütləqdir.
Seçilən diş fırçası yumşaq olmalıdır. Əks halda körpənin damağı zədələnə bilər.

Yatmazdan öncə dişlər yaxşı yuyulmalıdır.

Butulka kimi əşyalar şirin mürəbbə, bala və s. batırılmalı deyil.

Düzgün qidalanmağa diqqət göstərilməlidir.