Uşaqlarda miqren xəstəliyi

Uşaqlar arasında da miqren xəstəliyinə çox rast gəlinir. Qızlarda daha çox müşahidə edilir.

Doktorinfo.az xəbər verir ki, nevroloq Aynur Zeynalovanın sözlərinə görə, miqren, periodik olaraq təkrar edən xroniki ağrı hesab edilir.

Əsas göstəricisi isə ağrı verməsidir.

Nevroloq uşaqlarda yaranan miqrenin əlamətlərini qeyd edib:

"4 saatdan çox davam edən ağrı

Hərəkətdə azlıq

İşığa qarşı həssaslıq

Birtərəfli ağrı

Mədə bulantısı

Bəzi hallarda qusma" əsas göstəricilərdir.

Uşaqlarda miqren bir neçə qrupa qoyulur.

Aurasız miqren

Miqrenə ekvivalent ağrılar

Auralı miqren ağrıları

Zeynalova miqrenin müalicəsindən də bəhs edib:

"Müalicəsində davranış terapiyasından, dərman müalicəsindən istifadə edilir. Davranış terapiyası dedikdə, miqreni tətikləyən faktorlardan uzaq olmaq yəni, dieta, normal gecə yuxusunun olması, relaksion hərəkətləri, koqnitiv terapiya başa düşülür.

Miqrendə ağrıya yol açan amillərdən uzaq durmaq gərəklidir. Kəskin dövrdə yəni ağrı olduqda uyğun dozada və zamanında ağrıkəsicilər qəbul edilməlidir. Səssiz və qaranlıq otaqda yuxuya getmək məsləhətdir. Lazım olan effekt olmadıqda 2 saat sonra yenə müvafiq preparat qəbul etmək lazımdır. Ağrıkəsicilər həkim nəzarəti altında qəbul edilməlidir. Həftədə 1-2 dəfədən çox qəbulu doğru hesab edilmir. Bununla yanaşı yanaşı gedən xəstəliklər də nəzarətdə saxlanılır və müalicə edilməlidir".

Qeyd edək ki, miqren keçici bir vəziyyət deyil, bəzən ömür boyu davam edə bilər.