Tənbəl göz sindromu

Ambliopiya (Tənbəl göz sindromu), gözlərdən birinin görmə prosesində iştirak etməməsi kimi bilinir.

Doktorinfo.az xəbər verir ki, ambliopiya görmənin birtərəfli zəifləməsinin təməl səbəblərindən hesab edilir.

Daha çox uşaqlıq dövrünün xəstəliyi kimi xarakterizə edilir, buna görə də bu zaman ilkin diaqnoz və mualiceye başlama vaxtı əhəmiyyət kəsb edir.

Birincili (anadangəlmə) və ikincili ambliopiya olaraq iki hissəyə ayrılır. İkincili ambliopiyaların bir neçə forması mövcuddur: Strabizmatik (disbinokulyar), anizometropik, obskurasion, refraksionisterik, qarışıq.

Tənbəl gözün sebebleri:

Çəpgözlük

Göz xəstəlikləri

Görmə zəifliyi

Çəpgözlük.

Bəzən uşağın bir gözündə 5 yaşında 60 faiz, 6 yaşında 80 faiz görmə mövcud olduğu halda digər gözün zəiflik nəticəsində görmə qabiliyyəti çox aşağı olur. Zəif görməsi olan göz tənbəl olur və çəpliklə əlaqədar görmə oxundan yayındığı üçün ambliopik göz hesab edilir.
Qeyd edək ki, ambliopiya 10-13 yaşdan sonra müalicə edilmir. Bu səbəbdən diaqnoz zamanında qoyulmalı və müalicə edilməlidir.

Gözün bulanıqlaşması, ptoz, nistaqm, çəpgözlük aşkar olunarsa, defektlərin erkən aradan qaldırılması mütləqdir. Ambliopiyanın müalicəsində davamlı effekt tam müalicə kursunun keçirilməsi, həkimin təlimatlarına (eynəklərin, göz plastrlarının istifadəsi, müntəzəm müayinə) dəqiq emel olunması zamanı əldə olunur.
Böyüklərdə ambliopiya güclü emosional sarsıntı fonunda inkişaf edir və görmənin anidən itirilməsi ilə xarakterizə olunur. Bu vəziyyət bir neçə saatdan bir neçə ayadək davam edə bilər.

Oftalmoloji muayine əsasında diqnoz dəqiq təyin edilir. Adətən oftalmoskopiya, biomikroskopiyadan istifadə edilir. Müalicə növünü həkim təyin edir.

Qeyd edək ki, erkən, fərdi seçilmiş və davamlı müalicə müsbət nəticələr verir. Ambliopiyanın korreksiyasının 6-7 yaşa qədər aparılması üstün tutulur; 11-12 yaşından böyük uşaqlarda ambliopiya müalicəyə tabe olmur.