Uşaqlarda qasıq yırtığı nədir?

Uşaqlarda qasıq yırtığı nədir?

Əlamətləri və diaqnozu barədə ətraflı məlumat üçün məqaləni sonadək oxuya bilərsiniz.

Uşaqlarda qasıq yırtığı, qarın içindəki toxuma və orqanların, qasıq kanalındakı doğuşdan gələn açıqlıq yolu ilə xaricə çıxmasıdır.

Doktorinfo.az xəbər verir ki, zamanında doğru bir formada müdaxilə edilmədiyi zaman orqan itkisinə hətta ölümə səbəb ola bilir. Oğlan uşaqlarında qız uşaqlarına görə daha çox görülür. Erkən doğulan və ya doğuş çəkisi az olan körpələrdə qasıq yırtığı daha çox izlənilir.
Usaqlarda qasıq yirtiginin elametleri nelerdir?

Qasıq yırtığı, qasıq nahiyəsində, oğlan uşaqlarında skrotumda- arada yaranan və itən ağrısız bir şişlik ilə müşahidə edilə bilər. Yırtıq ən çox sağ tərəfdə görülür. Ağlama, öskürmə kimi qarın içi təzyiqinin artdığı vəziyyətlərdə bu şişlik daha bilinən hala gələr. Şişlik adətən uşaq sakit olduğu ya da yatdığı zaman itər. Əgər bir qız uşağında şişlik içərisində sərtlik ələ gəlirsə, böyük ehtimalla kisə içərisində yumurtalıq vardır. Qız uşaqlarında yumurtalıqlar bağırsaqdan daha tez-tez yırtığa səbəb olur.

Uşaqlarda qasıq yırtığının diaqnozu necə qoyulur?

Ana qasıq yırtığını əksər zaman uşağının altını dəyişdirən zaman fərqində olur. Daha böyük uşaqlarda isə yırtığın varlığı geyindirən və duş zamanı görülür. Bu səbəbdən uşaq həkimi müayinəsində mütləq olmalıdır. Əgər sərtlik varsa USM olunmalıdır.
Usaqlarda qasıq yirtiginin mualicesi nece tetbiq edilir?

Uşaqlıq çağında qasıq yırtığının özlüyündən itmə şansı yoxdur. Bu səbəbdən diaqnoz qoyulduqdan sonra yırtıq, cərrahi üsulla bərpa edilməlidir. Uşaqda qasıq yırtığı şübhəsi varsa, ən qısa zamanda bir uşaq cərrahı tərəfindən dəyərləndirilməli və sonrasında diaqnoz dəqiqləşdirilməlidir. Çünki uşaqlarda qasıq yırtığı mümkün olan ən qısa zamanda, yəni müəyyən bir yaş və ya aya qədər gözlənilmədən əməliyyat edilərək müalicə edilməlidir. Əməliyyat xəstənin vəziyyətinə uyğun olaraq əməliyyatxanada açıq və ya qapalı üsulla həyata keçilir.