Körpələrdə dayanmayan ağlamaq - Kolik problemi nədir?

Sağlam uşaqlarda sıx aralıqlarla, uzun müddətli və çox görülən ağlama və ya narahatçılıq vəziyyətinə kolik adı verilir. Valideynlər üçün bu dövr xüsusilə sıxıntılı və çətin bir haldır.
Kolik körpələrdə krizlər adətən 6-cı həftədən zirvə edir və uşağın 3 ilə 4 aylıq olması ilə birlikdə önəmli ölçüdə azalır. Hər nə qədər kolik uşaqda görülən həddindən çox ağlama zamanla düzəlsə də kolik müalicəsi yeni doğulanın baxımına ağır yük əlavə edər.

Doktorinfo.az xəbər verir ki, valideynlərin həm kolik krizlərinin şiddəti ilə müddətini həm də öz streslərini azalda biləcək və valideyn-uşaq bağını gücləndirəcək müxtəlif addımlar ata bilməsi mümkündür.

Kolik nə üçün olur?

Əsas səbəbi dəqiq olaraq bilinmir. Bir sıra faktorların bu halı siddetlendirdiyi düşünülür. Həddindən çox qidalanma, həzm sistemindəki faydalı bakteriyaların düzgün olmaması, stress və s bu halı şiddətləndirə bilər.
Kolikin qarşısı necə alınır?

Kolik üçün risk faktorları tam olaraq bilinmir. Aparılan araşdırmalar uşağın cinsiyyətinin, erkən doğuş faktorlarının, hazır qida ya da ana südü ilə qidalanmağın kolik inkişafı riskində dəyişdirən faktorlar olmadığını göstərir. Ancaq hamiləlik sırasında və ya doğuşdan sonra siqaret çəkən anaların körpələrində kolik inkişaf etmə riski daha yüksəkdir.

Kolik əlamətləri nələrdir?

Xüsusilə ilk üç ayda körpələrdə narahatçılıq və ağlamanın görülməsi normaldır. Ancaq bir körpə üçün normal ağlamağın aralığını müəyyənləşdirmək çətindir. Ümumi olaraq uc və ya daha çox həftə ərzində həftədə üç və ya daha çox gündə, həmçinin hər saatda şiddətli ağlamağa görə kolik diaqnozu qoyulur. Kolik krizləri adətən axşam saatlarında daha da kəskin hal alar.

Necə müalicə edilir?
Xüsusi bir mualicesi yoxdur. Sadəcə müəyyən tədbirlər görərək nisbətən rahatlaşdırmaq olar. Bunun üçün qidalanmağınıza diqqət etməlisiniz.

Çobanyastığı, razyana çayını dəmləyib verməyiniz tövsiyə edilir. 3-4 ay ərzində bu vəziyyət azalmağa və keçməyə başlayacaqdır.

Süd verən analar da öz qidalarına diqqət etməlidirlər. Çünki yedikləri qidalar, öz südlərindən uşaqlara keçir. Bu da onları daha da qazlandıra, köpdürə bilər.