Səpki kimi görünür, ancaq əslində... Milium nədir?

Milium dəri qüsuru hesab edilən problemdir. Hər yaşda görülə bilər. Adətən milium goz ətrafında, yanaqlarda, alında və boyunda yaranır. Onlara həmçinin "miliary kistləri" də deyilir. Ölçüsü adətən 2-3 mm-dən böyük olmur. Bir və ya çox ola bilərlər.

Bəs səbəb nədir?

Doktorinfo.az xəbər verir ki, dəri piy istehsalının pozulması və epidermisin ölü hüceyrələrinin aşınması əsas səbəb olaraq göstərilir. Bəzən insanlar bunun nə olduğunu anlamır və qoparmağa çalışırlar bu isə onların daha da zədələnib çoxalmasına yol aça bilər. Həmçinin infeksiya keçərək daha böyük istənilməyən problemlərə yol aça bilərsiniz.
Müalicəsi kosmetoloq və ya dermatoloq tərəfindən aparılır. Mliumlar, dərinin ilkin və sonrakı antiseptik mualicesi ilə mexaniki olaraq çıxarılır. Bu steril iynə və küretaj vasitəsilə tətbiq olunur.

Müasir zamanda lazer vasitəsilə də bu problem aradan qaldırılmağa çalışılır.

Qeyd edək ki, sadəcə bezi qulluq vasitələrindən istifadə edərək problemdən birdəfəlik xilas olmaq mümkün olmadığından bunu mütləq sahə üzrə professionalın köməkliyi ilə həll etməlisiniz.