Qazaxıstanda balıqlar vasitəsilə xəstəlik yayıldı - DİQQƏTLİ OLUN

Qazaxıstanda ilin əvvəlindən 113 opistorxoz hadisəsi qeydə alınıb. Bu isə o deməkdir ki, ötən ilin eyni dövrü ilə müqayisədə 26% artım var.
KONKRET.azxəbər verir ki, bu barədə Qərbi Qazaxıstan vilayətinin Sanitariya və Epidemioloji Nəzarət Departamenti bildirib.
Opistorxoz balıq vasitəsilə keçən parazitar xəstəlikdir. Xəstəliyin artmasının mümkün səbəbi kimi balıqların naməlum satış yerlərində şəxsi gigiyena qaydalarına əməl edilməməsidir.
Opistorxozun əsas simptomları bunlardır:
üz və bədəndə qaşıntı;
dörd həftəyə qədər davam edən bədən istiliyinin 37-38 dərəcəyə qədər artması;
iki həftəyə qədər davam edən baş ağrıları;
yuxu pozğunluğu, zəiflik, tərləmə və iştahsızlıq;
sağ tərəfdə və ya çiyində, əzələlərdə ağrı;
allergik reaksiyalar.
Xəstəlik tam müalicə olunmazsa, qaraciyər absesi, öd iltihabı və ürək xəstəliklərinə səbəb ola bilər.
Əsas mənbə çaylarda yaşayan sazan ailəsinin balıqlarıdır.
Sanitar həkimlər tövsiyə edir:
sazan ailəsinin çiy, kifayət qədər duzlu, zəif qurudulmuş balıqlarını yeməyin;
çiy balıqları kəsərkən və ya kəsdikdən sonra şəxsi gigiyena qaydalarına ciddi riayət edin;
balıqları ən azı 20 dəqiqə qızardın.
Rəsmiyyə Şərifova,
KONKRET.az