Panik atak nədir?

Panik atak anidən və gözlənmədik formada ortaya çıxan, insanda qorxu, panik hissi yaradan ruhi pozğunluqdur.

Doktorinfo.az xəbər verir ki, atak qorxu hissi, narahatçılıq yaradır. Birdən-birə başlayır, şiddətlənərək əksər zaman 10-30 dəq davam edir və özlüyündən keçir. Nadirən uzun davam etdiyi müşahidə edilir.

Panik atakın əlamətləri aşağıdakılardır:

Sürətli ürək döyüntüsü

Sinə ağrısı

Nəfəs darlığı və ya boğulma hissi

İdarəni itirmə

Titrəmə, qarın ağrısı

Ölüm qorxusu

Bir panik atak zamanı bu əlamətlərdən ən az 4-ü müşahidə edilir.

Panik pozuntusu neden yaranir?

Beyində neyron adı verilən, sinir hüceyrələrindən istehsal olunan, həyəcan və duyğusal yaşayış tərzinə təsir göstərən beyin hormonlarının düzgün çalışmaması nəticəsində yaranır.
Gündəlik həyatda edilən bəzi davranışlarınızın nəticəsində ortaya çıxan və tamamilə "təbii və zərərsiz" olan döyüntü, tərləmə, nəfəs darlığı, baş gicəllənmə kimi əlamətlərlə birlikdə baş verərsə, ölüm, dəli olma hissi yaradırsa bu vərdiş halını ala bilər.

Panik atakın diaqnozu necə qoyulur?

Diaqnoz ilk olaraq psixoloq tərəfindən qoyulur. Xəstənin tibbi keçmişi araşdırılır və gərəkli fiziki müayinələr aparılır. Həkimlər baş verən əlamətlərin xəstəlik və ya panik atak səbəbindən baş verdiyini müayinələr, bəzi analizlər əsasında deyə bilər.

Xüsusilə atakların tezliyi, nəfəs darlığı, yaşayıb-yaşamadığınız, baş gicəllənmə, uyuşma, tərləmə kimi əlamətlər diaqnoz cəhətdən olduqca vacibdir.

Bu vəziyyətin müalicəsi mümkündür?

Nəzarətə alına bilən xəstəlikdir. Psixiatrlar bu xəstəliyə yaxşı bələddirlər. Araşdırmalarla təsdiqlənmiş iki müalicə növü vardır. Dərman və psixoterapiya.

Dərman müalicəsi – Beyin sinir hüceyrələrindəki pozulmuş hormonların fəaliyyətlərini düzəldərək panik atakların qarşısını alan dərmanlardan istifadə edilir. Həkim uyğun dərmanı seçərək aşağı miqdarla başlayaraq vəziyyətə görə dəyişə bilər. Dərman müalicəsi ən az bir il davam etdikdən sonar yavaş-yavaş azaldılaraq kəsiləcəkdir.

Psixoterapiya – Bir çox terapiya belə halların müalicəsində effektli nəticələr verir.

Panik atak baş verdiyi zaman nələr edilməlidir?

Mümkün qədər olduğunuz yerdə qalın.

Gözünüzü, ruhunuzu sakitləşdirən yerə baxın

Dərindən nəfəs alıb-verin.

Unutmayın ki qısa davam edəcəkdir və həyati təhlükə yoxdur.
Panik atakdan qorunmaq üçün nələr edə bilərsiniz?

Bu barədə kitabları oxuyub, ilk yardımlar haqqında maariflənə bilərsiniz.

Nəfəs alıb-vermə texnikasını öyrənə bilərsiniz.

Stresi və gərginliyi azaltmaq üçün fiziki hərəkətlər edilə bilər.

Atakları daha da pisləşdirə biləcəyi üçün şəkərli qidalar, içkilər, kafein və siqaretdən istifadə azaldılmalıdır.

İdmanla məşğul ola bilərsiniz.