Mədə bulantısını tez kəsən vasitələr

Mədə bulantısı, stress vəziyyətlərindən xəstəliklərə qədər bir çox problem zamanı ilk ortaya çıxan narahatçılıq simptomlarının başında gəlir. İstər uzun yolda yaşadığınız "yol tutması" müddəti olsun, istər hamiləlikdəki səhər bulantıları, bu hissin dərhal ortadan qalxması üçün bir arayış içinə girməyiniz olduqca normaldır. Bulantını kəsməyin ən təsirli yolu bir neçə qidadan keçir.

doktorinfo.az təqdim edir:

Banan – Mədə bulantısına qusma da müşayiət edirsə ən yaxşı alternativ vasitələrdən biri banandır. İshal və qusma səbəbiylə itirilən potassiumu yenidən qazanmağınıza kömək olur. Beləliklə həm bulantı həm də ishal kimi simptomları da ortadan qaldırmağı təmin edə bilər.

Həmçinin bananın tərkibində nişastanın olması ishalın azalmasına təsir göstərə bilər. Rahat istifadə edilə bilən, həzm olunan qida olduğu üçün yumşaq qidalarla başlanğıc edərək sağlam bir formada qidalanmağı da asanlaşdırır.
Nanə - Özünəməxsus aromatı olan nanə, özünüzü daha yaxşı hiss etməyiniz üçün ən təsirli vasitələrdən biridir.

Xüsusilə bir stəkan nanə çayı içmək, ən yaxşı alternativlərdən biridir. Nanə çayında mövcud olan mentol, medede spazmanı həll edən təsir göstərərək şiddətli mədə bulantılarının aradan qalxmasına kömək edir.

Bununla yanaşı çayını içə bilməsəniz nanə yarpağını saqqız əvəzi çeynəməyiniz də eyni effekti verəcəkdir.

Limon suyu qəbul etmək də mədə bulantıları zamanı effektlidir. Ancaq bəzən mədə bulantısının səbəbi təzyiqin asagı enməsindən qaynaqlana biləcəyi üçün bu nüansa diqqət etməlisiniz. Çünki limonun çox qəbulu təzyiqinizin düşməsinə səbəb ola bilər ki, bu da az olan təzyiqi daha da endirərək problemli vəziyyətə sala bilər.

Zəncəfil - Bu bitki bütün orqanlara, problemlərə faydalı olduğu kimi bulantıların da qarşısını almağa kömək edə bilər. Kiçik hissə doğrayaraq çeynəməyiniz yaxşı təsir göstərə bilər.

Həmçinin dərin nəfəs alma kimi texnikalar da mədə bulantısını yüngülləşdirə bilən usullar arasında yer alır. Bütün bu üsulları sınayaraq keçməyən mədə bulantısını qısa müddətdə həll edə bilərsiniz.