Baş ağrısının təbii müalicəsi

Baş ağrsı basin hansısa bir nahiyəsindəki ağrı və ya narahatlıq hissi olaraq xarakterizə edilir.

Doktorinfo.az xəbər verir ki, baş ağrısı bir çox fərqli səbəblərdən qaynaqlana bilər və yüngül, şiddətli olaraq dəyişə bilər. Baş ağrısı adətən keçici olmaqla birlikdə bəzi vəziyyətlərdə mütəmadi və ya xroniki də ola bilər.

Baş ağrısına səbəb olan bəzi faktorları isə bu formada sıralana bilər:

Stress: Gündəlik həyatda stress, gərginlik baş ağrısına səbəb ola bilər.

Yorğunluq: Yuxu pozğunluğu həddindən çox çalışma, fiziki hərəkət sonrası yorğunluq baş ağrısına yol aça bilər.

Aclıq: Yanlış qidalanma və ya uzun müddət aclıq vəziyyətində qan şəkərində düşmə yaşana bilər və bu da baş ağrısına səbəb ola bilir.

Hormonal dəyişikliklər

Sinüzit: Sinüs boşluqlarının iltihablanması nəticəsində baş ağrısına səbəb ola bilir.

Miqren: Təkrarlayan baş ağrılarına səbəb olan bir baş ağrısı növüdür.

Təzyiq yüksəkliyi

Nevroloji problemlər və s.

Baş ağrısının təbii müalicəsi:
Baş ağrılarının azalmasına, keçməsinə kömək edən bir sıra təbii vasitələr mövcuddur.

Ancaq bu ağrı xronikləşibsə və daha fərqli simptomlara yol açarsa həkiminizlə danışmalısınız.

Soyuq compress – Ən geniş yayılan üsullardan hesab edilir. Ağrıyan nahiyəyə soyuq kompresin tətbiqi ağrının yüngülləşməsinə səbəb ola bilər.

Bunun üçün sağlam torbaya buz qoyun və ağzını bağlayın.

Alma çayı – içindəki antioksidantlar başda olmaq üzrə minerallar və vitaminlər sayəsində vücuda dəstək olur və baş ağrısının azalmasına kömək edir. Çayı isti deyil ilıq ya da soyuq formada istifadə etsəniz baş ağrısının keçirmə mövzusunda daha effektli olacaqdır.

Lavanda yağı – İçindəki müxtəlif maddə sayəsində ağrıları sakitləşdirmək mövzusunda təbii vasitələrdəndir.

Qaynadıb bir kasaya aldığınız suyun üzərinə 4-5 damla qədər lavanda yağı əlavə edin və sudan yüksələn buxarı udun. Bu üsuldan daha fərqli bir üsul sınamaq istəsəniz sprey şüşənin içinə ağzına qədər su qoyun və suyun içinə miqdarına görə dəyişəcək formada ortalama 10-15 damla qədər lavanda yağı damladın. Yatmazdan öncə otağınıza, yatağınıza hətta yastığınıza bu qarışımı spreylə sıxın. Ağrısız bir günün dadını çıxarın.

Banan – Tərkibində potassium vardır. Bu da damarlar üzərində effektli təsir yaradır, onları rahatladır.

Qeyd edək ki, bununla zəngin olan kartofu da soyutma formasında bişirərək üzərinə duz əlavə etmədən yemək ağrıları yüngülləşdirə bilər.

Nanə yağı – təbii vasitələrdən hesab edilir. Başınız ağrayan zaman əlinizə bir neçə damla damladaraq ağrıyan sahəyə çəkərək ovalaya bilərsiniz.