Əl-ayaq-ağız xəstəliyi olan "Koksaki virusu" nədir?

Son illərdə yayılan əl-ayaq-ağız xəstəliyi xüsusilə isti fəsillərdə daha çox müşahidə edilir. Bu xəstəliyə səbəb olan koksaki virusu insanların həzm sistemlərində yaşayıb artan, yayılan virus ailəsinin üzvüdür. Əksər zaman ötəri soyuqdəymə simptomlarına səbəb olsa da bəzən isə yüksək qızdırma ilə müşayiət edilən ağır xəstəlik əlamətlərinə yol aça bilir.

Koksaki virusun səbəb olduğu xəstəliklər və əlamətlər

Bəzən ötəri əlamətlərlə davam etsə də, bəzən qızdırma, baş, əzələ, boğaz, qarın ağrıları, qusma ilə davam edə bilər.

Bəs adı nə üçün əl-ayaq-ağız xəstəliyi adlanır?

Buna səbəb məhz bədənin bu üzvlərində içi su dolu sərt qabarcıqların olmasıdır.
Bu xəstəliyin səbəbləri nədir?

Bu xəstəliyə səbəb olan 3-4 fərqli virus bilinməkdədir. Ən əsas zəmin yaradan virus isə koksaki adlanır. Yoluxucudur.

Əl-ayaq-ağız xəstəliyinin simptomları:

Adətən 10 yaşdan aşağı uşaqlarda daha çox müşahidə edilir. Son 10 ildə isə artıq böyüklərdə də çox rast gəlinir.
Əsas əlamətləri yüksək qızdırma və yaranan səpkilərdir. Səpkilər əsasən əl içində, ayaq altında, ağız ətrafında yaranır. Yüksək qızdırma olduqdan sonra səpkilər 1-3 gün sonra ortaya çıxır.
Bundan başqa yaranan əlamətləri:

Halsızlıq

Əzələ ağrıları

Səpkilər ağrı verə bilər. Bununla bağlı olaraq ayağın şişməsi mümkündür.

Koksaki virusunun müalicəsi necə aparılır?

Bu xəstəliyin xüsusi bir dərmanı yoxdur. İnfeksiyalarda istifadə edilən dərmanlar bu xəstəlik zamanı da tətbiq edilə bilər.
Xəstəlik zamanı evdə qulluq daha uyğundur. Məktəbə və ya işə getmək yoluxuculuq baxımından düzgün deyil. Səpkilər getdikdən sonra şəxs normal həyatına davam edə bilər.
Uşaqlar adətən xəstəliyi yüngül keçirirlər, böyüklər isə daha ağır formada keçirirlər.
Bu xəstəlikdən qorunma üsulları nədir?

Qorunma gigiyenaya diqqət göstərərək ola bilər. Dünya üzərində qəbul edilmiş xüsusi bir peyvəndi yoxdur. Sadəcə Çində istehsal olunub inkişaf etdirilən peyvənd mövcuddur.
Bununla yanaşı xəstə insanlarla təmasın azaldılması mütləqdir.

Bəs qidalanma necə olmalıdır?

Xəstəliyin ən yüksək həddində yeməyə məcbur edilmək doğru hərəkət olmadığından az qida ilə tez-tez yemək tövsiyə edilir.
Bol maye qəbulu xəstəliyin müalicə effektini artıracaq həmçinin vücudun immun sistemini gücləndirəcəkdir.