Burun əti nə zaman əməliyyat olunmalıdır?

Burun əti (adenoid), üzüm salxımına bənzəyən formada olan və burun ilə boğaz arasına yerləşən toxumadır. Burun əti, burundan daxil olan bakteriya və virus mikrobları toplayır və vücudun infeksiyalarla mübarizə aparmasına kömək edən antikoru yaradır. Əgər uşağınızda davamlı olan, təkrarlayan burun əti böyüməsi, iltihabı varsa, həkim burun əti əməliyyatı tövsiyə edə bilər. Burun əti və ya adenoid burunun arxasından, burun-udlaq və ya "geniz" adlandırılan hissədə limfoid toxumanın böyüməsi nəticəsində meydana çıxdığı üçün bu problemə geniz əti də deyilir.

Adenoidin əlamətləri nələrdir?

Müxtəlif əlamətlərlə özünü biruzə verə bilər:

Nəfəs almaqda çətinlik

Yatan zaman xoruldama

Geniz əti müalicəsi necə aparılır?

Həkim, uşağınızın iltihablı burun ətini ilk olaraq antibiotiklərlə müalicə etməyə çalışa bilər. Əgər geniz əti iltihablı deyilsə, həkim bir müddət gözləməyi tövsiyə edə bilər. Çünki uşaqlarda geniz ətinin müəyyən qədər böyüməsi normal hesab edilir. Zaman daxilində kiçilə bilər.
Burun əti əməliyyatına nə zaman qərar verilir?

Aşağıdakı vəziyyətlər varsa əməliyyat tövsiyə edilə bilər:

Nəfəs ala bilməmək

Tez-tez təkrarlayan burun əti iltihabı

Mütəmadi xəstələnmək

Danışmaqda çətinlik

Burun əməliyyatı necə olur?

Nə qədər asan görülsə də, hər əməliyyat uşaq və böyüklər üçün adətən qorxuducudur.
Burun əti əməliyyatı anesteziya verilərək icra olunur və bu işin mütəxəssisi tərəfindən nəzarətdə saxlanılır.
Uşaq əməliyyat zamanı təxminən 20 dəqiqə ərzində yatacaqdır.
Əməliyyat bitdikdən sonra xəstədə nəfəs darlığı və ya qanaxma ehtimalı olarsa yenidən əməliyyatxanaya aparıla bilər. Xəstəxanada qalma müddəti isə 5-10 saat təşkil edir.

Adeniod əməliyyatı nə zaman edilməlidir?

Burun əti əməliyyat olunacaq həddə gəlibsə, bunun icrası hər yaşda edilə bilər. Öncələr uşaqları 3 yaşdan sonra əməliyyata götürürdülər. Buna səbəb isə anesteziyanın əks təsirindən qorumaq üçün idi. Ancaq müasir zamanda avadanlıqlar, istifadə edilən dərman maddələri daha keyfiyyətli olduğu üçün artıq yaş məhdudiyyəti qoyulmur.