Baş ağrısı ilə miqrenin fərqi

Baş ağrıları istənilən mövsümdə insanları narahat edən problemlərdən başlıcası hesab edilir.

Doktorinfo.az xəbər verir ki, baş ağrılarının öncə də qeyd etdiyimiz kimi bir çox növləri var. İnsanlar isə daha çox baş ağrısını miqren ağrıları ilə qarışdırırlar.

Bes miqrenle bas agrisinin ferqi varmi?

Miqren insanın gündəlik həyat tərzinə mənfi təsir göstərən agrilar sırasına daxildir.

Digər növ normal adlandırılan baş ağrıları adətən stress, gərginlikdən yaranır. Oturaq işdən, müəyyən gərginlikdən, boynun perikranial əzələlərinin funksiya pozulmasından baş ağrısı hiss edilir.

Miqrenlə bu baş ağrısı birinci növbədə intensivliyi ilə fərqlənir.

Bundan əlavə digər əsas fərq məhz şiddətinə görə dəyişir. Miqren zamanı yaranan ağrılar daha şiddətli olur.

Miqren ağrısı intensiv olur, artaraq güclənir. Belə ki, bu növ ağrılar 1 sutkadan 3 günə kimi davam edə bilər.

Normal ağrılar zaman işığa qarşı həssaslıq yaranmır, ürəkbulanma halları baş vermir.

Miqren zamanı isə agri məhz belə başlayır. Baş nahiyəsində başlayıb daha sonra ürəkbulanma baş verir. İşığa, musiqiyə qarşı hessasliq yaranır.
Qeyd edək ki, miqren ağrıları hətta şiddətindən yatağa da sala bilər.

Baş ağrısı, beyinin daxili və xaricində gedən hər hansı dəyişiklərə orqanizmin reaksiyasıdır. Amma beyin ağrımır.

Keçirilən stress, travma, əsəb zamanı kəllə qutusunun üzərindəki dərialtı toxuma gərginləşir, yığılır və ağrı yaranır. Məhz bu tipə "gərginlik baş ağrıları" deyilir.

Kəllə daxilində bir sıra orqanlar yerləşir ki, orada baş verən problem zamanı da başda küt ağrılar yarana bilər.

Ağrılar zamanı isə dərmanları araşdırmadan atmaq olmaz. Adi dərman xəstəni ölümcül vəziyyətə də sala bilər.

Miqren isə adətən 2 səbəbdən yaranır. Bu damarın daralması və damarın genişlənməsidir. Miqrenin özünəməxsus dərmanları olur. Bir dərmanı hər növ baş ağrsı zamanı qəbul etmək olmaz.

Məsələn, pasiyent əgər damarın genişlənməsindən əziyyət çəkirsə və bu zaman ağrılar üçün "spazmalqon" içərsə, genişlənmiş damar daha da da genişlənərək böyük fəsadlar yarada bilər.
Spazm əleyhinə preparatlar tövsiyə edilmir. Bu səbəbdən ən düzgün qərarı həkim müayinələr əsasında verə bilər.