Astiqmatizm xəstəliyi nədir?

Astiqmatizm, miopiyadan sonra ən çox rast gəlinən görmə qüsurudur. Adətən göz kürəsinin ön qismində mövcud olan şəffaf qism olan korneadakı deformasiyadan qaynaqlanır. Belə gözün korneası mükəmməl yumru olmaq əvəzinə əyri quruluşa malikdir. Əksər insan astiqmatizmdən əziyyət çəkir. Yüngül forması adətən görünüşə təsir etməz və müalicəyə ehtiyac duyulmaz.

Növləri hansılardır?

Özü iki qrupa ayrılır:

Miopiya – Astiqmatizm və uzağı aydın görə bilməmək probleminə deyilir.

Hipermetropiya – Bu zaman isə əksinə olaraq yaxını aydın şəkildə izləmək, görmək olmur.
Bundan başqa düzgün və qeyri-düzgün olaraq növləri mövcuddur. Buna həmçinin requlyar (sadə) və irrequlyar (mürəkkəb) da deyilir.

Requlyar (sadə) forması ən çox görülən astiqmatizm formasıdır. Kornea səbəbindən qaynaqlanır. Eynək və ya linza vasitəsilə tam aydın görmək mümkündür. Sadə formada təsvir iki xətt vasitəsilə bir-birinə penpendikulyar iki müxtəlif müstəvidə yaranır.

Mürəkkəb astiqmatizm zamanı isə görmə çox zəif olur. Eynəklə bunu bərpa etmək mümkün olmur.

Bundan başqa qarışıq forması da mövcuddur.

Səbəbi nədir?

Səbəbi tam bilinməsə də genetik və anadangəlmə ola biləcəyi düşünülür. Spesifik səbəbi dəqiq məlum deyil. Zaman daxilində bu qalıcı da ola bilər keçici də. Hətta azala da bilər, əksinə artması da mümkündür.

Əlamətləri nələrdir?

Simptomları təqdim edirik:

Bulanıq və ya zəif görmə
Gözlərdə ağrı

Baş ağrısı

Gecə görmədə çətinlik

Çəpgözlük

Astiqmatizmi düzəltməyin ən sadə yolu eynəklərdən istifadədir. Göz həkiminiz mümkün olduğu qədər dəqiq görməyinizə kömək olacaq uyğun eynək nömrəsini təyin edəcəkdir.

Müalicəsi necə aparılır?

Eynəklər, cərrahi müdaxilə, kontakt linzalar vasitəsilə müalicə edilir. Bunu, gözlərin vəziyyəti dəqiq müayinə edildikdən sonra məlum olacaqdır. Cərrahi müdaxilə zamanı belə üç növ cərrahiyyə növündən istifadə edilə bilər. Buna oftalmoloq müayinəyə əsasən dəqiq qərar verir.