Uşaqlarda ürək xəstəlikləri

Ürək –damar xəstəlikləri böyüklərlə yanaşı uşaqlarda da görülə biləcək xəstəlik növüdür.

Doktorinfo.az xəbər verir ki, əksər valideyn isə məhz xəstəlik özünü artıq bariz biruzə verdiyi zaman həkimə müraciət edirlər.

Bəs uşaqlarda hansı əlamətlərə nəzər yetirmək lazımdır?

Ürək döyüntüsünün sürəti

Fiziki fəaliyyət zamanı tənginəfəsliyin olma sıxlığı

Döş qəfəsində ağrıların olub-olmaması

Daha çox uşaqlarda taxikardiya görülür ki, bu da əksər zaman yüksək emosional hadisələr zamanı baş verir. Ürək problemi olmayan uşaqlarda adətən öz-özünə keçib gedir. Ürəyi zəif olanlarda isə bu hal qalıcı olur, həmçinin sakit vəziyyətdə əmələ gəlir.

Nəbzin az döyünməsi isə bradikardiya adlanır. Bu daha da təhlükəlidir.

Sağlam uşaqlarda nəbz necə olmalıdır?

Həyatının ilk 1-ci ilində dəqiqədə 125-130 vurğu, 5-7 yaşlarında 90-100, 8-10 yaşlarında 80-85, 11-14 yaşlarında 70-85 vurğu olmalıdır.
İlk aylarda uşaqda səbəbsiz narahatlıq, dərinin ağarması, süstlük, soyuq tər əlamətləri müşahidə olunarsa bu zaman mütəxəssis müayinəsi əsas şərtdir.

Bundan əlavə uşaqda diqqət edilməlidir:

Qeyd edək ki, tənginəfəslik ürək çatışmazlığının ilkin əlamətlərindən hesab olunur. Belə ki, sakit vəziyyətdə əmələ gələn təngnəfəslik təhlükəli ola bilər.

Həyatının ilk 1-ci ilində sağlam uşaqlarda tənəffüs tezliyi dəqiqədə - 30-40,

5 yaşında - 25,

7-8 yaşında 18-22,

10-14 yaşında 16-18 tənəffüs hərəkəti olur.

Uşaq doğulandan onun dəri, dodaq rənginə diqqət etmək lazımdır. Belə ki, dodaq dərisi göyə çalırsa, bu ağciyər, ürək və s kimi orqanlarda problemlərin olduğuna dəlalət edir.

Əgər uşağın ürək nahiyəsində önə qabarma ("ürək donqarı") müşahidə edilərsə, bu, ürəyin ağır zədələnməsinə dəlalət edir və təcili olaraq mütəxəssis müayinəsi tələb edir.