Uşaqlarda uzanan, keçməyən öskürək

Xüsusilə payız və qış aylarında uşaqların bir çoxunda uzanan və keçməyən öskürəklər başlayır. Məktəb və bağçaların açılması ilə yoluxucu xəstəliklərin sayı durmadan artır. Xəstəliklər isə özünü ilkin olaraq öskürək, asqırmaq, boğaz ağrısı kimi əlamətlərlə biruzə verir. Bəzilərində tez keçsə də bir qismdə öskürək qalıcı hala çevrilir.

Uzanan öskürək nədir?

Doktorinfo.az xəbər verir ki, uşaqlarda 4 həftədən daha artıq davam edən öskürək uzanan öskürək ya da müqavimətli öskürək olaraq adlandırılır. Böyüklərdə bu müddət 6-8 həftə olaraq qəbul edilməklə bərabər uşaq ağciyəri olduqca həssas və tez zədələnməyə meyilli olduğundan uşaqlarda 4 həftənin üzərindəki öskürək, uzanmış öskürək olaraq qəbul edilir. Uzanmış öskürəkdə altda yatan səbəblər tapıla bilməz və ortadan qaldırılmazsa uşaqda qalıcı ağciyər zədələnməsi baş verə bilər. Bu səbəbdən uzanmış öskürəyi olan uşaqlarda mütləq səbəbin ortaya qoyulması və müalicəsinin edilməsi gərəklidir.

Hansı vəziyyətlər uzanan öskürəyə səbəb ola bilər?

Uşaqlarda həm üst tənəffüs yolu həm də aşağı tənəffüs yolu xəstəlikləri uzanan öskürək edə biləcəyi kimi bəzən tənəffüs xaricindəki faktorlar da uzanan öskürəyə səbəb ola bilər.

İnfeksiyalar uzanmış öskürəyin ən əhəmiyyətli səbəblərindən olub virus və bakteriyalara bağlı tənəffüs yolu infeksiyaları tamamilə müalicə edilə bilmədiyində uzanmış öskürəyə səbəb ola bilirlər. Xüsusilə bronxit, pnevmoniya kimi aşağı tənəffüs yolu infeksiyalarından sonra uşaqların ağciyərlərində bəlğəm toplanması olub ağciyər sönməsi ya da bronxların genişlənməsi inkişaf edə bilir və bu vəziyyət özünü uzanan öskürək olaraq göstərə bilir.
Uzanmış öskürəyin bir digər geniş yayılan səbəbi allergik qrip və astmadır. Xüsusilə gecə artan öskürəklərdə, uşaqda allergik orqanizm əlamətləri olduğunda və ailə üzvlərində astma və allergiya hekayəsi olması vəziyyətində bu xəstəliklər ağıla gəlməlidir. Kiçik uşaqlarda reflüksə bağlı öskürəklər də görülə bilər.

Uşaqlarda uzanan, keçməyən öskürək

5 yaşdan aşağı uşaqlarda yad cism hadisələrinə çox diqqət etmək gərəklidir. Fındıq, fıstıq, sərt qida yeyən zaman ya da uşağınızın ağzında muncuq, silgi kimi nəisə varsa anidən öskürmə və tənəffüsdə çətinlik ola bilər. Bu da, hava yollarına yad cismin qaçdığını göstərən ilkin əlamət hesab edilə bilər. Bu vəziyyətdə öskürək şiddətlənir və daha da artaraq xırıltılı hala gələ bilər.

Sağalmayan, keçməyən öskürəyin digər bir səbəbi də doğuşdan gələn ağciyər xəstəliklərdir. Ağciyərin quruluş problemləri, bəlğəm toplanması ilə cərəyan edən kistik fibrozis və doğuşdan tükcüklərin çalışmamasına bağlı yaranan primer siliyer diskinezi xəstəliyi də keçməyən öskürək yarada bilər.