Uşağınızda bu hərəkətlər varsa...Vacib problemi ola bilər

Məktəb uşaqlar və valideynlər üçün güvənilir, təhsillərinin yüksək səviyyədə aldığı məkandır. Buna səbəb isə burada nəzarətin güclü olmasıdır. Ancaq unutmaq lazım deyil ki, uşaqların özünəməxsus dünyası var və sizə güvənilir gələn yer onlara gəlməyə bilər.

Doktorinfo.az xəbər verir ki, məhz bu məqamda mütəxəssislər valideynləri diqqətli olmağa çağırır. Bəzi suallarla övladınızın psixoloji problemi olub-olmadığını öyrənə bilərsiniz.

Əgər uşağınız verdiyiniz suallardan yayınıb sizə tərs cavab verirsə, qısa cavablarla həll etməyə çalışırsa problemin var olduğunun əlaməti ola bilər.

Bu məqamda özünümüdafiə mimika-jestləri də böyük rol oynayır.

Çünki psixologiyada hər mimiki hərəkət bir duyğusal vəziyyətin göstəricisidir.
Bəs necə anlaya bilərsiniz?

Əgər uşaq əllərini sinə hissəsində çarpazlayırsa, əllərini önündə tutursa gözünü yayındırırsa, tələskənlik edirsə, bu onun yalan danışdığına dəlalət edir.

Bununla yanaşı:

Övladınız əşyalarını məktəbdə itirirsə və buna biganə yanaşırsa,

Evə gec gəlirsə,
Özünə daha çox qapanırsa

Çirklənmiş, səliqəsiz formada olursa

Özünü aqressiv aparırsa

Xarici görünüşündə qəfil dəyişikliklər edirsə bu hansısa daxili probleminin olduğunu göstərir. Bunu ailə içində həll etməyə çalışın, əgər daha böyük problemin olduğunu zənn edirsinizsə psixoloqla məsləhətləşməyiniz tövsiyə edilir. Ehtiyac olarsa bu mövzuda müəllimi ilə birgə hərəkət etməyiniz tövsiyə edilir.