Ürək problemlərindən qaçmaq üçün GÜNDƏLİK VƏRDİŞLƏR

Kardioloqlar ürək problemlərindən qaçmağa kömək edəcək gündəlik vərdişləri açıqlayıblar. 
Milli.Az lent.az-a istinadən bildirir ki, bu vərdişlərdən ən birincisi və önəmlisi düzgün qidalanmadır. 
Kardioloqlar bildirib ki, əksər hallarda kompleks xroniki xəstəliklərin inkişafının qarşısını almaq mümkündür. Məsələn, dünyada ən çox rast gəlinən ürək və damar xəstəlikləri qeyri-sağlam həyat tərzi, pis vərdişlər fonunda baş verir. Ancaq sadə qaydalar riskləri azaltmağa kömək edəcək.
İlk növbədə, qida rasionunuza diqqət yetirmək, tərkibində çox miqdarda işlənmiş yağ olan zərərli qidaları ondan çıxarmaq vacibdir. Onlar ürək xəstəliyi riskini artırır və daxili orqanların işini pozur. İşlənmiş yağlar çoxlu miqdarda mağazadan alınan çörək məhsulları, hamburgerlər, mayonezlər və əksər kraker və çipslərdə olur. Gündəlik menyunun əsasını bitki qidaları və yüngül protein - tərəvəzlər, meyvələr, göyərti, təbii dənli bitkilər, həmçinin balıq, dəniz məhsulları və ağ ət təşkil etməlidir. Hər gün ən azı bir litr yarım təmiz su içməyi unutmayın və istidə digər içkilərdən imtina edərək onun istehlakını iki dəfə artırmaq daha yaxşıdır.
Çəkinizə nəzarət etmək vacib alternativlər arasındadır. Çünki hər əlavə çəki ürək yükünü artırır.
40 yaşdan sonra təzyiq və xolesterol göstəricilərinə diqqət etməyi də unutmayın. Yüksək səviyyələr insult və infarktla nəticələnə bilən ürək xəstəliyi riskini artırır. İlk xəbərdarlıq əlamətlərində həkimə müraciət edin.
Gün ərzində daha çox hərəkət etməyə çalışın. Əgər idman zalına getmirsinizsə və ya məşq etmirsinizsə, heç olmasa gəzməyə, daha çox gəzməyə vaxt ayırın. Oturaq həyat tərzi ürək xəstəliyi riskini artırır. 
Sağlam bir ürək üçün eyni dərəcədə vacib şərt pis vərdişlərdən imtina etməkdir. Alkoqol və siqaretdən sui-istifadə ilə qan təzyiqi və trigliseridlərin səviyyəsi yüksəlir, bu da insult və ürək xəstəliyi riskini əhəmiyyətli dərəcədə artırır.
Milli.Az