Səhərlər yaranan baş ağrısının səbəbləri

Baş ağrısı ağrıları bir çox faktorlardan qaynaqlana bilər. İstər tibbi istərsə də hava şəraiti ilə bağlı baş ağrıları arta bilər.

Əksər zaman isə insanlar səhərlər yaranan baş ağrılarından şikayət edirlər. Bu isə insanın bütün həyat keyfiyyətinə mənfi təsir göstərir. Oyandıqdan dərhal sonra baş ağrısı xüsusilə xoşagəlməz bir hadisədir.

Doktorinfo.az xəbər verir ki, bu ərəfədə insanlar ağrıkəsicilərdən istifadə edirlər. Ancaq bu tamamilə yanlışdır. Mütəxəssislər bunun təhlükə illə nəticələnə biləcəyini qeyd edirlər.

Səhərlər baş ağrılarının səbəbləri nələrdir?

Maye çatışmazlığı

– Vücudda maye çatışmazlığı olduğu zaman bu birbaşa baş ağrısı və ya halsızlıqla bağlı ola bilər.

Miqren

– Ən çox görülən baş ağrılarından hesab edilir. Mütəxəssislərə görə, səhər saat 4-dən 9-a qədər olan saatlar bədənin təbii ağrı kəsiciləri olan daha az endorfin və enkefalin istehsal etdiyi vaxtdır. Həmçinin səhər erkəndən oyanmaq sayəsində vücudda adrenalin səviyyəsi yüksəlir və bu da qan təzyiqini artıra bilir. Nəticədə isə miqren arta bilir.

Spirtli içki istifadəsi

– Zərərli vərdiş beyindəki funksiyalara mənfi təsir göstərir. Alkoqol da sidikqovucudur, susuzluğa səbəb olur, bu da asma baş ağrılarını daha da artırır.

Yuxu apnesi

– Bu sindrom müəyyən simptomlara yol aça bilir ki bunlardan da biri baş ağrısıdır. Bu sindrom yuxu zamanı nəfəsin dayanmasına səbəb olur ki, bu da oksigen çatışmazlığına və qan təzyiqinin artmasına yol açır. Nəticədə səhər oyanan zaman kəskin baş ağrıları olur.

Bəzən baş ağrılarının səbəbləri dah böyük olur. Bu isə digər əlamətlərlə də özünü göstərir.Belə ki, şiş beynin selikli qişasını dartaraq ağrıya səbəb ola bilər. Əgər baş ağrısı ilə yanaşı digər əlamətlər də müşahidə etsəniz həkimə müraciət etməyiniz tövsiyə edilir.