Rektosel (Bağırsaq yırtığı) nədir?

Rektosel, bağırsaq yırtığı olaraq da bilinən, qalın bağırsağın qadınlarda vaginaya, kişilərdə məsanəyə doğru şişməsidir.
Rektosel hər zaman simptomlara səbəb olmasa da bəzi zamanlarda vaginal qanaxma, rektumda dolğunluq hissi, tez-tez tualetə getmə istəyi kimi əlamətlərlə ortaya çıxa bilir.

Bağırsaq yırtığının əlamətləri belə sıralanır:

Rektum və ya vaginada təzyiq hissi və ağrı

Gündə bir neçə dəfə tualetə çıxma istəyi

Cinsi münasibət zamanı ağrı

Vaginada yumşaq toxuma çıxıntısı

Qəbizlik

Vaginada genişlik və ya əzələ itkisi hissi

Bağırsaq hərəkətlərində problemlər

Rektosel (bağırsaq yırtığı) vaginal ya da əzələ divarında yer alan toxumaların zəifləməsi nəticəsində meydana gələ bilər. Qalın bağırsaq ilə vagina arasında yer alan toxumaların incəlməsi səbəbiylə də bağırsaq yırtığı ortaya çıxa bilər.

Rektoselin risk faktorları:
Anal dəliyinin funksiya pozuntuları

Hamiləlik və doğuş – Vaginal doğum ya da birdən çox doğuş etmək pelvik hissəyə zərər verərək zəifləməsinə səbəb olur. Uzunmüddət davam edən doğuş pelvik əzələləri gərir, bu da vaginanın dəstəyinin zəiflləməsinə yol açır. Bu da bağırsaq yırtığı yaranmasına zəmin hazırlayır.

Qocalma – Klimaks vücudda estrogen itkisi kimi bir çox dəyişikliyə səbəb olur və bu da pelvik nahiyəsindəki əzələ toxumalarını azaldaraq rektosel yaranmasına səbəb olur.

Xronik öskürək və ya bronxit - Astma, siqaret çəkmə, tənəffüs yolu xəstəlikləriylə bağlı uzunmüddətli öskürək, zamanla əzələləri gərə bilər və bu da şəxsi rektoselə qarşı daha həssas hala gətirə bilir.

Xroniki qəbizlik – Bu hal, pelvik əzələləri zəiflədə bilir. Bu da bağırsaq yırtığının yaranmasına səbəb ola bilir.

Təkrarlanan ağırlıq qaldırma – Tez-tez ağır qaldırmağı gərəkdirən bir işdə çalışmaq pelvik əzələlərinə çox təzyiq tətbiq edərək onların genişlənməsinə və zəifləməsinə səbəb ola bilir.

Daha ağır vücuda sahib olmaq – Həddindən çox çəkili olmaq bu problem riskini artıra bilir.

Piylənmə - Bu hal da rektosel olmaq ehtimalı riskini artırır.

Keçirilmiş əməliyyatlar - Histerektomi kimi əməliyyatlar pelvik toxumasına zərər verərək bağırsaq yırtığı riskini artırır.

Diaqnozu necə qoyulur?

Mütəxəssis tərəfindən tibbi keçmiş araşdırılır, müayinə edilir. Bağırsaq yırtığı üçün bu müayinələr istənilə bilər:

Pelvik müayinə - Vaginal kanalı ya da məsanə sallanma əlamətləri cəhətdən müayinə edilir.

İncə bağırsaqda sallanmanın olub-olmamasını öyrənmək üçün uşaqlıq yolu müayinə edilir. Beləliklə rektoselin nə qədər şiddətli olduğu ortaya çıxar.

Müalicəsi üçün xəstəyə müalicə təyin edilir, daha sonra isə əməliyyat tətbiq edilir. Cərrahi müdaxilə xəstəliyin 2-3-cü mərhələsində aparılır. Yerli keyitmə və ağrıkəsicilərlə aparılır. Bu zaman cərrah zədəli toxumanı çıxarır.