Katarakta (Mirvari suyu) xəstəliyi nədir?

Yaşın irəliləməsindən ən tez təsirlənən orqan məhz gözdür. Bununla yanaşı fiziki və təbii dəyişikliklər də gözə təsir göstərə bilər. Nəticədə isə göz bəbəyi kiçilə bilər.

Katarakta xestəliyi nədir?

Daha ətraflı məlumat üçün məqaləni sonadək oxuya bilərsiniz.

Doktorinfo.az xəbər verir ki, yaş qrupuna görə dəyərləndirilən xəstəlik növüdür.
Katarakta, göz büllurun qismən və ya tamamilə bulanmasıdır. Katarakta anadangəlmə və ya sonradan qazanılmış ola bilər. Orta yaşlı insanlarda tez-tez rast gəlinir. Katarakta gözlərin hər ikisində ya da sadəcə birində müşahidə edilsə də əksər zaman bir göz digərindən daha çox təsirlənir.

Göz müayinəsi nə zaman olunmalıdır?

40 və daha yaşlı insanlar 2 - 4 il aralıqları ilə ətraflı göz müayinəsindən keçməlidirlər. 55 yaşdan sonra isə 1 - 3 il, 65 yaşından sonra isə 1 - 2 il aralıqla müayinə olunmaqları tövsiyə edilir.
Kataraktanin elametleri nelerdir?

İlkin zamanlarda hansısa əlamət göstərməyə bilər. Daha sonra isə yaxşı görməmək, bulanıq görmə ilkin əlamətlər olaraq meydana çıxa bilər. İşığın az olduğu məkanlarda isə görmə zəifliyi daha da arta bilər. Televizora baxmaq, kitab oxumaq artıq mümkünsüz hala gələ bilər.

Bundan başqa digər əlamətlər də mövcuddur:

Rənglərin çətin seçimi

Göz yorğunluğu

Eynək nömrələrini tez-tez dəyişdirmə ehtiyacının yaranması

Günəşli havalarda görmənin daha da zəifləməsi

Katarakta xəstəliyinin səbəbi nədir?

Bu xəstəliyə yol açan səbəblər müxtəlifdir. Ən çox yayılan və bilinən səbəbi isə yaşla bağlıdır.
Bununla yanaşı metabolik xəstəliklər, şəkər xəstəliyi, göz içi infeksiyalar, göz travmaları da buna yol aça bilər.

Xəstəliyin müddəti nə qədərdir?

Bu, tamamilə orqanizmdən asılıdır. Xəstəlik illərlə də davam edə bilər. Müddət qoymaq mümkün deyil. Ətraflı müayinələr dəqiq diaqnozu qoymağa kömək edəcəkdir.

Müalicəsi necə aparılır?

İlk olaraq oftalmoloq tərəfindən ətraflı biomikroskopik müayinə aparılır. Katarakta dərman vasitələri ilə müalicə olunmur. Çünki effektliyi yox dərəcəsindədir. Katarakta, mikroskop altında xüsusi mikrocərrahi alətlərin köməyi ilə gözün daxilindən təmizlənir. Bundan sonra yerinə linza qoyulur. Uğurla həyata keçirilmiş əməliyyatlardan sonra görmə bərpa olunur.

Katarakta əməliyyatının müddəti

Əməliyyat anesteziya olmadan aparılır, cəmi 15-20 dəqiqə çəkir və olduqca asan keçirilir. Kataraktanın müayinə və müalicəsi həkim oftalmoloq tərəfindən aparılır. Müdaxilə zamanı lokal damcıdan istifadə edilir. Əməliyyat, xəstənin eynəkdən xilas olmasına kömək edir.

Katarakta əməliyyat zamanı, gözə yerləşdiriləcək linzanin nömrəsi seçilərək uzağı və ya yaxını aydın şəkildə görmək təmin edilir.

Katarakta əməliyyatı zamanı narkoz verilirmi?

Katarakta əməliyyatı zamanı anesteziya uşaqlar və yenidoğulanlar istisna olmaqla tətbiq edilmir. Katarakta əməliyyatı zamanı yetkin xəstələrdə müxtəlif növ yerli anesteziyadan istifadə olunur. Periorbital sahəyə inyeksiya edilir. Göz hərəkətsizləşdirilir.

Katarakta xəstəliyindən qorunmaq olarmı?

Tam olaraq qarşısını almaq mümkün deyil ancaq xəstəliyə tutulma riskləri bu formada azaldıla bilər:

Gözləri günəş şüalarından qorumaq

Günəşə baxmamaq

Siqaretdən imtina

Düzgün qidalanma

Əgər varsa şəkər xəstəliyini nəzarət altında tutmaq.

Kompyuterlə işləyənlər isə qoruyucu eynəklərdən və həkimin tövsiyə etdiyi damcılardan istifadə edə bilərlər.