Meymun çiçəyi xəstəliyi

Meymun çiçəyi virusu, mpox adlı virusun səbəb olduğu, qaşıntılı dəri səpgisiylə ortaya çıxan, hərarətə səbəb olan və insandan insana yoluxa bilən bir xəstəlikdir.

Doktorinfo.az xəbər verir ki, Covid 19 pandemiyasının təsirlərinin hələ atıla bilmədiyi bir müddətdə virus bir xəstəlik olaraq ortaya çıxan meymun çiçəyi virusu yayılmaqda davam edir. Dəri səpgiləri, hərarət, limfa düyünlərində şişmə, əzələ ağrıları və tənəffüs problemi kimi əlamətlər göstərən meymun çiçəyi virusu, insandan insana, bəzən də heyvanlardan yoluxa bilən bir virusdur. Xüsusi müalicəsi olmayan meymun çiçəyi virusu üçün istifadə edilən dərmanlar virusun meydana gətirdiyi simptom və şikayətləri yüngülləşdirmək üçündir.
Meymun ciceyi virusu nece yoluxur?

Meymun çiçəyi virusu, bu virus ilə yoluxmuş şəxs ilə öpüşmə, cinsi münasibət kimi dəri ilə təmas, damlacıqlar yoluyla yayılmasını təmin edən uzun müddət üz-üzə yaxın məsafədə danışma, xəstəliyə yoluxmuş insanın toxunduğu geyim, dəsmallar kimi əşyaların istifadəsi yolu ilə yoluxa bilər. Mpox virusunun daha çox görülə biləcəyi heyvanlar sincab, siçan kimi yabani heyvanlardır.
Meymun çiçəyinin yoluxma yolları:

Üz-üzə danışma əsnasında nəfəs alıb-vermə

Dəri təması

Uzun müddət yaxın təmas ilə birlikdə tənəffüs damlacıqlarının yayılması

Yataq örtükləri kimi əşyalarla təmas

Anadan körpəyə yoluxma, hamiləlik və doğuş sırasında və sonrası yaxın təmasla da uşağa keçə bilər.

Meymun ciceyi virusunun elametleri:

Üzdə, ağız içində və əl, ayaq, genital nahiyə və anusda qabarcıqlara bənzəyən səpgilər

Hərarət
Limfa düyünlərində şişmə

Halsızlıq

Əzələ və kürək ağrısı

Baş ağrısı

Tənəffüs yolu problemləri

Üşümə

Titrəmə
Meymun çiçəyi virusunda görülən səpgi, ağrılı ola bilən düz, qırmızı şişliklər olaraq ortaya çıxa bilir. Daha sonra yaranan bu şişliklər irinlə dolan qabarcıqlara çevrilir və daha sonra qabarcıqlar qabıqlanır və düşür.

Meymun çiçəyinin simptomları nə zaman biruzə verir?

Adətən virusa yoluxduqdan sonrakı 3 həftə içində özünü göstərir və əlamətlər üzə çıxır. Adətən 1-4 gün sonra qızarıqlıq yaranır.

Meymun çiçəyi virusunun mualicesi

Spesifik olaraq meymun çiçəyi virusu üçün hansısa müalicə üsulu yoxdur, acnaq xəstəliyə qarşı qorunmaq üçün inkişaf etdirilən antiviral dərmanlar monkeypox-u müalicə etmək üçün istifadə edilir. Meymun çiçəyi virusunun yoluxduğu bir şəxsdə müalicənin məqsədi xəstəlikdən qaynaqlı ağrı, yaranan yaralar kimi əlamətlərə nəzarət edib aradan qaldırmaqdır.