Kişinin diabet olduğunu göstərən əlamətlər

Diabet Azərbaycanda sürətlə yayılan, daha çox 45-50 yaşdan biruzə verən xroniki xəstəlikdir. Bu zaman orqanizm kifayət qədər insulin hasil edə bilmir.
Qadın və kişilərdə bərabər görülür. Amma kişilərdə erkən əlamətlər fərqli ola bilər.
Milli.Az medicina.az-a istinadən xəbər verir ki, kişilər 40 yaşdan başlayaraq qəfildən cinsi zəifliklə üz-üzə qalıblarsa, elə bu şəkərin siqnalı ola bilər.
Digər əlamətlər bunlardır.
1.İştahın artması, doymamaq, hədsiz yemək istəyi
2.Susuzluq
3.Gün ərzində və gecələr sidiyə tez-tez və az miqdar getmək
4. İşdə tez yorulma
5.Selikli qişada kandidoz, ağıziçi yaralar
6.Görmənin zəifləməsi
7.Ayaqda tüklərin tökülməsi, bədəndə tük seyrəkləşməsi
8. Kəskin kökəlmə və ya arıqlama
9.Yara, kəsik izlərinin gec sağalması
10.Erektil disfunksiya - 75% kişilərdə diabet yataqda fiasko ilə başlayır. Çünki qanda şəkərin artması damarları və sinirləri zədələyir. Kişilərdə ürək-damar sistemində problemlər də şəkərdən qaynaqlana bilir.
Tədqiqatlar göstərir ki, kişilərdə diabet qadınlara nisbətən daha sürətlə irəliləyir və fəsadlar verir.
Siqaret çəkmək onlarda retinopatiya və diabetik angiopatiyanı sürətləndirir. Eləcə də böyrək çatışmazlığı riski yaradır.
Həkimə getmədikdə və şəkəri tənzimləməyə səy göstərmədikdə, kişilərdə inpotensiya ömürlük diaqnoz olur
Milli.Az