Hədsiz arıq insanlarda hansı xəstəliklər yarana bilər?

Arıqlamaq kimi çəki qazanmaq da əmək istəyən müddətdir. Alınan çəkinin keyfiyyətli olması və vücudda düzgün formada dağılması olduqca vacibdir.

Elm adamları, arıqlıq olaraq adlandırılan problemin diabet xəstəliyinə səbəb ola biləcəyini vurğulayırlar. Aparılan araşdırmalara görə, arıqlıq insanlarda ağciyər xəstəlikləri, sümük qırılmaları, düşük hamiləlik kimi problemlərə yol aça bilər.

Bəs arıqlıq nə deməkdir?

Bütün dünya üzrə qəbul edilən vücud kütlə indeksi 18,5-in altında yer alırsa bu zəiflik olaraq hesab edilir. İldə piylənmə problemi ilə bağlı 112.000 insan həyatını itirərkən, hədsiz zəifliklə bağlı ölüm sayı bununla müqayisədə daha çoxdur.

Bəs arıq insanlar çəki almaq üçün nə etməlidirlər?

Tez-tez və mütəmadi formada qidalanmalıdırlar.

Ara qidalarda yüksək kalorili və təmiz tərkibli qidalar seçilməlidir.

Səhər yeməklərində aşağı həcmli və yüksək kalorili qidalar yeyilməlidir. Bunlar bal, kərə yağı, fısdıq əzməsi, bəhməz ola bilər.

Səhər yeməkləri avokado, qoz kimi keyfiyyətli yağ qaynaqları ilə zənginləşdirilməlidir.

Ara yeməklərində yeni sıxılmış meyvə suları istifadə edilməlidir.

Əsas yeməklərdə mütləq çörək və plov yeyilməlidir.

Bir ovuc ləpə hər gün yeyilməlidir.
Yeməklərə suplarla deyil, əsas yeməklə başlanılmalıdır.

Salat və sup istifadəsi yeməkdə ən sona buraxılmalıdır.

Salatlar, yaşıl mərcimək, avokado kimi qidalarla zənginləşdirilməlidir.

Bəyaz çörəkdən istifadə edin.

Gecə yatmazdan 2-3 saat öncə mütləq ara qida yeyilməlidir.

İdmanla məşğul olmaq iştahanızı açacağınız üçün mütəmadi formada idmanla məşğul olun.

Süd, düyü, ləpə, ət sürətli kökəlməyə səbəb olduğundan belə qidaları mütəmadi istifadə etmək lazımdır.