Dəridə yaranan qabarcıqlar, Vezkula problemi nədir?

Hər mövsümdə rast gəlinə bilən, bir çoxlarının əziyyət çəkdiyi dəri problemlərindən biri, əsasən əl nahiyəsində yaranan və yayılan içi maye dolu qabarcıqlardır. Qabarcıqlar adətən dairə formasındadırlar. Dərinin altında yaranan maye qanlı və ya şəffaf ola bilər.

Vezkula adı verilən bu dəri probleminə nə səbəb olur?

Yaralanma

Allergik reaksiyalar

İnfeksiyalar

Günəş yanıqları

Göbələk xəstəliyi

Digər növ yanıq zədələri

Atopik dermatit

Viral infeksiyalar

Həşərat dişləməsi və digər başqa faktorlar bu halı yarada bilər.

Əlamətləri nələrdir?

Çıxıntılı, dairəvi, maye dolu görünüşləri vardır. Vücudun bir nahiyəsində və ya əksinə bütün yerlərində yarana bilər. Ağrılı və ya qaşıntılı ola bilər. İnfeksiya kimi səbəb varsa, qızdırma, ağrı, yorğunluq kimi bir çox şikayətlərin olması mümkündür. Əlamətləri digər dəri problemləri ilə oxşar ola biləcəyi üçün dəqiq diaqnozu həkim, müayinə əsasında qoya bilər.

Bəs diaqnoz necə qoyulur?

Adətən həkim dəriyə baxaraq deyə bilər. Bununla yanaşı qan analizi və ya biopsiya tələb edə bilər.
Qabarcıqlar adətən müalicəyə ehtiyac olmadan sağalır. Əgər uzun müddət davam edərsə qabarcıqların yaranma səbəbinə uyğun müalicə sxemi təyin edilir.

İlk yardım necə edilir?

Həmin nahiyəni sabun və su ilə yuyun.
Soyuq və ya buz torbası tətbiqi oluna bilər. Bu ağrının şiddətini azaltmağa kömək edə bilər.
Həmin nahiyəni təmiz və quru saxlamaq lazımdır.
Qabarcıqlar qəti surətdə partladılmamalıdır. Çünki bu infeksiyanın genişlənməsinə və yayılmasına təsir edir.
Əgər yarada hansısa dəyişiklik, böyümək, qızarıqlıq, iltihablanma müşahidə etsəniz həkimə dərhal müraciət edin.
Çünki vəziyyətə uyğun olaraq antibiotik təyin edilə bilər.
Bundan əlavə qidalanmaya diqqət etməlisiniz. Çünki vitamin əksikliyi qaşıntı və qabarmalara səbəb ola biləcəyi üçün vitamin qəbuluna diqqət göstərməlisiniz.
Dəri gigiyenasına diqqət göstərməlisiniz.