Depressiya əlamətləri

Depressiya, daima məyusluqla yanaşı, təklik hissi ilə müşayiət edilən duyğu pozğunluğudur.

Doktorinfo.az xəbər verir ki, belə insanlar hər davranış və düşüncələrdən təsirlənirlər. Adi görülə biləcək, əhəmiyyətsiz problem deyil. Müalicəyə ehtiyac duyulan vəziyyətdir. Hər yaşda meydana çıxa bilər. Ancaq statistikaya görə, adətən 20-30 yaşlarda daha çox meydana çıxır.

Depressiyanin sebebleri nelerdir?

Dəqiq səbəbi hələ bilinmir. Bəzi araşdırmalara görə, depressiyanın yaradılmasına genlərin təsiri mövcuddur. Hamiləlik, tiroid pozğunluğu dövründə hormon dəyişkənliyi baş verə bilər. Depressiya da bu ərəfələrdə müşahidə edilə bilər.

Bunların xaricində depressiyanın inkişafına yol aça biləcək vəziyyətləri qeyd edirik:

Pissimist insanlarda görülmə ehtimalı daha çoxdur.

Ölüm, travma, itki kimi insanda dərin məyusluğa səbəb ola biləcək hadisələr

Ailə içində yaşanılan sıxıntılar, problemlər

Tibbi keçmişində spirtli içki aludəçiliyi, bipolyar pozuntu, intihar hadisələri yaşanılan insanlar
Genetik faktorlar

Yemək pozuntuları, travmadan sonra stress pozğunluğu

Siqaretdən həddindən çox istifadə edənlər

Xroniki ağrı yaşayanlar, ürək xəstələri, infarkt kimi problemlə qarşılaşanlar

Diabetə səbəb ola biləcək həddindən çox çəki və ya piylənmə

Yuxu həbləri qəbul edənlər

Depressiya müalicə edilmədiyi təqdirdə daha da pisliyə doğru irəliləyir.

Depressiyanin elametleri nelerdir?

Depressiya, bir insanın həyatı boyunca sadəcə bir dəfə də ortaya çıxa bilər, birdən çox da yaşana bilər.

Əlamətləri təqdim edirik:

Birdən yaranan məyusluq, səbəbsiz yerə ağlama, ümidsizlik duyğuları

Dəyərsizlik hissi, günahkarlıq duyğusu, keçmiş uğursuzluqlardan özünü günahlandırmaq

Diqqəti toplamaq problemi

Hərəkətlərdə yavaşlılıq
Ən bəsit hadisələrdə belə həddindən çox əsəbilik, xəyal qırıqlığı

Narahatçılıq

Fiziki narahatçılıqlar, ağrılar

Ölüm və intihar düşüncəsi

Yuxusuzluq və ya həddindən çox yatma

Halsızlıq, yorğunluq hissi

Necə diaqnoz qoyulur?

Fiziki müayinə ilk addımdır. Həkim müayinə edərkən şəxsin sağlamlıq vəziyyəti soruşulur. Çünki depressiya bəzi xəstəliklərdən qaynaqlana bilər. Bəzən analizlərə ehtiyac ola bilər. Qan analizi, tiroid hormonlarının müayinəsinə ehtiyac duyula bilər.

Depressiyanın müalicə üsulları nələrdir?
Bu ərəfədə psixoterapiyalar və dərman müalicəsi köməyə çatır. Depressiya müalicəsi müddətində xəstənin istifadə etməli olduğu dərmanlar, mütləq həkim nəzarəti altında olmalıdır. Antidepressantlardan istifadə edilir.

Depressiya təkrarlayırmı?

Birdəfəlik gedən problem deyildir. Daha öncə yaranması təkrarlanma ehtimalını artırır.

Təkrarlanması üçün risklər nələrdir?

Daha öncə depressiya keçmişinin olması

Genetik faktor

Xronik depressiya

Depressiyanın 60 yaş üzərində olması

Depressiya əlamətlərinin olduğu şəxslər xəstəxanada saxlanılmalıdırmı?
Depressiyanın müalicəsində xəstələrin qalmasına adətən ehtiyac olmaz. Bu xüsusiyyətləri daşıyan xəstələrin qalmasına ehtiyac ola bilər:

Ciddi intihar düşüncələri olanlar

İntihar planları quranlar

Şəxsin özünə zərər verə biləcək insanlar

Dərmanların əks təsirləri mövcuddurmu?

Depressiya əleyhinə olan dərmanların faydaları ilə yanaşı əks təsirlər də mövcuddur.
Bunlar hansılardır?

Ağız quruluğu

Qəbizlik

Bulantı, qusma

Tərləmə

Uyuşuqluq

Yuxu problemləri

Mədə sisteminin pozuntuları

Qarın ağrısı və s.

Bu səbəbdən dərmanlar özbaşına qəbul edilməməli, həkim təyinatına əsaslanmalıdır.