Burun qanaxmasının səbəbləri

Burun qanaması çox rastlanılan vəziyyətdir. Qanaxmalar narahatçılıq yaratsa da əksər zaman qorxulacaq vəziyyət olmur. Damarlar çox həssas olduğundan adi müdaxilə ilə qanaxma yarana bilər. Bu isə uzunmüddət davam etmir.

Burun qanaxmaları ön burun və arxa burun olaraq iki hissəyə ayrılır. Burunu qidalandıran damarların burun dəliyinə təxminən 1 sm məsafədə yerləşir. Nəticədə lokal səbəblərdən yaranan qanaxmalar ön burun qanaxması adlandırılır. Ön burun qanaxmalarının müalicəsi adətən sadə müdaxilələrlə edilir. Arxa burun qanaxmasının isə fərqli səbəbləri ola biləcəyi üçün ön burunla müqayisədə çətin müalicə oluna bilər.
Burun qanaxmalarının səbəbləri nələrdir?

Buruna və ya üzə dəyən zərbələr

Burun qırıqları

Yad cismin buruna soxulması

Burun qarışdırma

Sümük əyriliyi

Üst tənəffüs yolu infeksiyaları

Allergik vəziyyətlər

Dərman istifadəsi

Kimyəvi maddələrə məruz qalma

Quru hava

Güclü və sərt formada burun silmə və s.

Sistemik səbəblər nələrdir?

Ürək-damar xəstəlikləri

Təzyiq

Şəkər xəstəliyi

K vitamin əksikliyi

Qaraciyər xəstəliyi

Geniz, burun xərçəngi

Spirtli içkilərdən istifadə

Hamiləlik

Hormonal səbəblər.

Uşaqlarda burun qanaxmalarının səbəbləri
Uşaqlarda meydana gələn burun qanaxması valideynləri narahat edən vəziyyətdir. Adətən 1 ilə 10 yaş arasındakı uşaqlarda görülən burun qanaxması adətən qorxuducu deyildir. Uşaqların burnunu sərt formada qaşıması, yad cismi buruna salması zədələnmələrə səbəb olur. Üst tənəffüs yolu infeksiyaları zamanı meydana gələn burun axıntısı da uşaqlarda burun qanamaları səbəblərdindəndir.

Burun qanamaları necə dayandırılır?

Ani burun qanaxması yaşayan insanların ilk olaraq sakit qalması vacibdir. Narahat olmadan dik pozisiyada oturub başın bir az önə əyilməsi qanın udulmaması cəhətdən vacibdir. Ağızda qan varsa xaric edilməli və burun dəliklərinə işarət barmaqla 10 dəqiqə basılmalıdır.

Qanama dayandıqdan sonra təkrarlanmaması üçün duzlu su tərkibli spreylər ilə burun təmizlənməlidir. Burun təmizlənərkən güc tətbiq edilməməli, şiddətli asqırma olmamalıdır. Bir müddət ağır hərəkətlər görməmək, isti su ilə duş qəbulundan qaçınmaq lazımdır.

Əgər qanama durmursa, təkrar edirsə, sadəcə burunda deyil, başqa yerlərdə də qanaxma meydana gəlirsə, qan duruldan dərman istifadə edilirsə, nəfəs darlığı yaranarsa, yüksək qızdırma, səpkilər də müşahidə edilərsə və ya xərçəng xəstəliyindən əziyyət çəkilirsə həkimə müraciət edilməlidir.
Bundan əlavə aşağıdakılar baş verirsə həkimə müraciət edilməlidir:

Həddindən çox qanaxma varsa

Bu səbəbdən nəfəs almaqda problem yaranırsa

Tək tərəfli və tez-tez təkrarlanırsa

30 dəqiqədən uzun çəkərsə

İki yaşından kiçik uşaqlarda müşahidə edilirsə.

Bu zaman ətraflı burun müayinəsi nəticəsində qanaxmanın mənbəyi tapılır.

Erkən müayinə ilə çox qan itirmədən problemdən azad olmaq mümkündür. Bunun üçün isə qulaq-burun-boğaz həkiminə müraciət edilməlidir.