Zökəm zamanı istifadə edilən xalq təbabəti

Zökəm – bu halı yaradan adətən mikrob və viruslar olur. Asqırma, burun tutulması, qıcıqlanması ilə özünü göstərir. Selikli qişanın xroniki iltihabıdır. Qızdırma nadir hallarda görülür.

Əlamətləri:

Burundan ifrazatın axmasi

Tənəffüs çətinliyi

Baş ağrısı

Halsızlıq və s.

doktorinfo.az bu halı nizamlamaq üçün təbii üsulları təqdim edir:
Baş soğanın şirəsinə isladılmış pambığı burun dəliklərinə qoymaq faydalı olacaqdır. Belə pambigi gün ərzində 3 dəfə 10 dəqiqə ərzində qoymaq lazımdır.

Yerkökü şirəsi də bu problem zamani effektiv ola bilər. Bunun üçün yerkökü şirəsi bitki yağı ilə qarışdırılır. Üzərinə bir neçə damcı sarımsaq suyu əlavə olunur. Gündə bir neçə dəfə damcı formasında buruna tökmək lazımdır.
Qeyd edək ki, bunun müalicə müddəti 3-5 gündür.

3 yemək qaşığı qədər xırdalanmış soğanın üzərinə 50 ml ilıq su əlavə edilir və yarım çay qasigi qədər bal qatılır. 30 dəqiqə saxlanılır. Sonra damcı vasitəsilə buruna tökülür.

Zökəm zamanı çaytikanı yağı, aloya şirəsi və ya itburnu yağını buruna tökmək mümkündür. Bunu, 3 dəfə 5 damcı olaraq etmək mümkündür.

1 xörək qaşığı çay sodası 3 litr qaynayan suda həll edildikdən sonra onun isti buxarı ilə nəfəs alınması tövsiyə edilir. Bunu, yatmazdan öncə etmək lazımdır.

Nəzərə çatdıraq ki, bunları etməmişdən öncə həkimlə danışmaq tövsiyə edilir.