Çillərin təbii müalicəsi

Çillər bir çox insanın yaralı yeridir desək yanılmarıq.

Üzdə çillər necə yaranır?

Doktorinfo.az xəbər verir ki, həm üz həm də vücuddakı çillərin yaranmasında bir çox faktor təsirli olur.

Çil yaranmasında təsirli faktorlar bunlardır:

Genetika – Ailəsində çil olan şəxslərdə görülmə ehtimalı daha yüksəkdir. Adətən sarışın, qızıl saçlı və açıq dərili insanlarda daha çox görülür. Çil çıxmasına meyilli insanlarda həm vücudda həm də üzdə çillər görünə bilir.

Ətraf faktor – Günəş şüalarına məruz qalmaq pigment tarazlığını pozar və nəticədə çillər yarana bilir. Yaşın irəliləməsi ilə yanaşı sayıda artış da müşahidə edilir.

Ancaq nəzarətdə saxlanılmalıdır. Mütəmadi olaraq artma və böyümə sonra dəri xərçənginə yol aça bilər.

Cillerin tebii mualicesi

Ev şəraitində qara turp, xiyardan istifadə etməklə problemi azaltmaq mümkündür. Ən bəsit üsul xiyar suyudur. Yeni sıxılmış limon suyunun da yaxşı gəldiyi söylənilir. Ancaq tərkibindəki asit səbəbiylə dəriyə mənfi təsir göstərə biləcəyi üçün ən çox üzdə 20 dəqiqə saxlamaq mümkündür. Bəzilərdə simmetrik və estetik duran çillər bəzilərində də assimetrik olub dəridə ləkə görüntünü yarada bilər. Bundan şikayətçi olan şəxslər lazerlə çil müalicəsi etdirə bilər. Müəyyən aralıqlarla lazer tətbiqi çillərdən xilas olmağa kömək edir.
Bal – Şəkər ya da duzla balı qarışdırmaq pilinq təsiri yaradacağı üçün çillərdən xilas olma mövzusunda olduqca təsirlidir. Bir xörək qaşığı bal içərisinə 1 şirniyyat qaşığı şəkər və ya duz əlavə edilə bilər. Bu qarışım çilli nahiyəyə tətbiq edilir və bir neçə dəqiqə ovulduqdan sonra ilıq su ilə durulanmalıdır. Ballı qarışımı həftədə 2-3 dəfə tətbiq etmək doğru olacaq.

Qatıq – Qatıq və yulaf əzməsi qarışımı çillər üzərində təsirli olan təbii üsullardan bir digəridir. 3 xörək qaşığı qatığın içərisinə 1 xörək qaşığı yulaf əzməsi əlavə edilir. Bu qarışımı təmiz dəriyə yüngül massaj edərək çəkmək və ilıq suyla yumaq doğru olacaqdır. Həftədə bir dəfə tətbiq olunan qarışım sayəsində çillərdən xilas olmaq mümkün olur.

Soğan – İçərisində sülfür olan soğan, dəri qatlarında pilinq təsirini yaradır. Soğanı ortadan ikiyə ayıraraq çəkmək yetərli olacaqdır. Bir neçə dəqiqə üzdə gözlədib durulamaq doğru olacaqdır.