Böyrək ağrısının evdə müalicəsi

Böyrək ağrıları geniş yayılmış problemlərdən biridir. Bunun həm ötəri həm də ciddi səbəbləri ola bilər. Böyrək ağrılarının ciddi səbəbləri barədə ötən məqaləmizdə bəhs etmişdik.

Doktorinfo.az xəbər verir ki, böyrək ağrısı hər zaman ciddi səbəbdən qaynaqlanmaya bilər. Bu soyuqlama və ya keçirilən infeksiyanın əks təsiri olaraq da özünü göstərə bilər.

Bes bu nov boyrek agrilarinin evde mualicesini nece etmeliyik?

İlk olaraq çalışılmalıdır ki, böyrək sağlam qalsın. Bu istiqamətdə bəzi qidalar qəbul edilməlidir.

Böyrəklər üçün meyvə-tərəvəz, süd məhsulları, yarmaları, təbii şirələri faydalıdır. Gün ərzində 2 litr maye ehtiyacınızı ödəməlisiniz. Bu zaman böyrəklərin fəaliyyəti pozulmamış olur.

Soyuq hava, nəmlilik böyrəklər üçün əks göstərişdir.

Bəs hansı bitkilər faydalıdır?

İtburnu dəmləməsi – Bunun üçün itburnu meyvelerini əzin. 1 xörək qaşığı itburnunun üzərinə 1 stəkan qaynar su töküb dəmləyin. Gün ərzində 3-4 dəfə için. Müalicə kursunu 1 həftə davam etdirin. Daha sonra 1 həftə fasilə verin və yenə 1 həftə itburnu dəmləməsinə davam edin.

Dəfnə yarpağı sidikqovucudur. 3-4 defne yarpağı üzərinə 1 stəkan qaynar su əlavə edib dəmlənməyi üçün gözləyin. 1 həftə ərzində için, sonra 1 həftə fasilə verin və yenə davam edin.

Qarğıdalı saçağı böyrəyin əsas dərmanıdır desək yanılmarıq. Bunun üçün müəyyən qədər saçaqdan götürüb qaynar suda dəmləyin. Gün ərzində 3-4 dəfə qəbul edin.

Bu zaman təzyiqinizə diqqət edin. Saçaq və itburnu təzyiqinizi aşağı sala bilər. Bu səbəbdən ehtiyyatla çox olmadan içmək gərəklidir.

Quru nanə, ayıqulağı yarpağı, çobanyastığı, hər otdan 1 xörək qaşığı olmaqla qarışdırılır və 1 litr qaynar suda dəmlənilir. 1 saatdan sonra süzülür və gün ərzində içilir. 3 gün davam edin, 3 gün fasilə edin və yenə təkrarlayın.

Gicitkan dəmləməsi də ağrılarınızı müalicə edəcəkdir. Gicitkan həm də təbii sidikqovucudur. Sidik yollarınızdakı infeksiyanı aradan qaldırmağa kömək edəcəkdir. Gicitkanı bitki çayı kimi istifadə edərək, bitki mənşəli yollarla böyrək sağlamlığınızı yaxşılaşdıra bilərsiniz.