Yanlış büstqalter qalıcı ağrılara yol açır - Nələrə diqqət etməli?

Bir çox qadınlar düzgün alt geyim seçmədikləri üçün müxtəlif ağrılarla qarşılaşırlar. Yanlış geyimlər ağrı ilə yanaşı estetik görüntünün də pozulmasına da yol aça bilər. Bu səbəbdən yaranan ağrıların səbəbi yanlış seçilən büstqalter ola bilər.

Doktorinfo.az məlumat verir ki, düzgün olmayan büstqalterlərin seçimi və istifadəsi bel və boyun ağrılarına da yol aça bilir. Qadınların əksəriyyəti gün ərzində yanlış seçimlər səbəbindən müxtətəlif ağrılarla qarşılaşırlar. Bunun da başlıca səbəbi geyimin dəri ilə sürtünməsi və qıcıqlanmaların yaranmasıdır.
Büstqalterlərin seçimi zamanı bunlara diqqet edin:

Çox boş və ya dar geyimlərin istifadəsi məqsədəuyğun deyil. Boş geyimlər sallanmalara, dar geyimlər isə ağrılara yol aça bilər.

Qadın vücudu yaş və çəki baxımından dəyişikliklərlə üzləşə biler. Bu da büstqalterin ölçülərində dəyişikliyə ehtiyac yaradır. Uyğunluq ildə bir dəfə yoxlanılmalı və doğru ölçülü geyim seçilməlidir. Dəyişiklikdən asılı olaraq həyatı ərzində 6-7 dəfə fərqli ölçü seçimlerinden istifadə edilə bilər.
Arxa kəmər belin mərkəzində durmalıdır. İri sinəyə sahib qadınların qalın kəmər seçməkləri tövsiyə edilir. Nazik kəmərlilər qadınlar üçün daha yaxşı görünsə də gündəlik istifadə üçün rahat deyil.

Çiyin qayışları dəridə sıx durmamalıdır. Barmağı arasına rahatlıqla daxil edə bilməlisiniz. Əks halda dəridə qızartılar, qıcıqlanmalar yarana bilər.
Ölçünü seçərkən süd vəzi altı və ətrafı nəzərə alınmalıdır. Ancaq qadınlar bəzən üst geyimdə yaxşı görünmək üçün bu nüansları nezere almadan seçirlər. Bu da zədələnmələrə və qalıcı ağrılara yol aça bilər.

Geyimi geyinərkən qollarınızı rahat hereket etdirə bilməlisiniz. Qollarınızı qaldıran zaman geyim sıx durmursa boşluq yaranırsa və ya darlıq edib ağrı verirsə deməli geyim ölçüsü düzgün deyil. Alacağınız geyim qabırğa qəfəsinizə uyğun seçilməli və tam əhatə etməlidir.