Vitamin əlavəsi nə zaman qəbul edilməlidir?

Vitaminlər sağlam həyat tərzi üçün vücudun ən gərəklilərindəndir. Orqanizmdə müəyyən miqdarda vitaminlər mövcuddur. D vitamini xaricində bəzi qida maddələrini vücud istehsal edə bilmədiyi üçün xaricdən qida əlavəsi olaraq qəbul edilməlidir.

Xüsusilə maddələr mübadiləsi funksiyalarının bərpasında, dəri xəstəliklərinin yaxşılaşmasında, saç, dırnaq quruluşunun yaranmasında, toksinlərin atılmasında vitaminlərin böyük təsiri vardır.

Vücudda vitaminlər əksik olduğu zaman xaricdən vitamin qəbulu alınmalıdır. Vitamin əlavəsi təkcə xəstəliklərdən xilas olmaq üçün deyil, sağlam həyata davam etmək üçün də qəbul edilməlidir.

Vitaminin vəzifələri nədir?

Xəstəliklərə qarşı vücudun mübarizəsini gücləndirir.

Əzələlərdə meydana gələn sancıların yüngülləşməsini təmin edir.

Damarların tıxanmasına maneə olur və qanda mövcud olan yağ miqdarını tənzimləyir.

Vücudda yaranan yaraların sürətlə yaxşılaşmasını təmin edir.

Depressiya kimi psixoloji xəstəliklərin müalicəsində qida əlavəsi olaraq qəbul edilir.
Vitamin qrupları nələrdir?

Suda və ya yağda həll olunanlar olaraq iki qrupa ayrılırlar.

Suda həll olunan vitaminlər: C vitamini və B vitamininin bütün alt növləri isə suda həll olunan vitaminlər kateqoriyasın aiddir. Suda həll olunan vitaminlər insan vücudunda yer tutmaz və uzunmüddət dayanmaz. Vücuddan sidik yolu ilə atılırlar.

Yağda həll olunan vitaminlər: A, D, E, K vitaminləri yağda əriyir. İnsan vücudu yağda əriyən vitaminləri yağ toxuması və ya qaraciyərdə saxlayır. Bu vitaminlər bədəndə həftələrlə ya da aylarla dura bilir. Həzm zamanı qəbul edilən yağlar, yağda əriyən vitaminlərin həzm sistemi vasitəsilə vücuda yayılmasına dəstək olur.

A və D vitaminləri vücudda toplana bilər və bu da riskli vitamin çoxluğu vəziyyətini yarada bilər. Aparılan araşdırmalara görə,13 ədəd vitamin növü mövcuddur. Bilinən vitamin növləri A, B1, B2, B3, B5, B6, B7, B9, B12, C, D, E, K olaraq adlandırılır. Vücud üçün gərəkli vitamin əlavəsini hər mövsüm ehtiyac miqdarında almaq gərəklidir.

A vitamini: Beta karote, retinol, retinal kimi terminlərlə də adlandırılan A vitamini yağda əriyir. İnsan bədəninda göz sağlamlığı üçün vacibdir. A vitamini pendir, yumurta, qovun brokoli, qaraciyər, şirin kartof, süd kimi qidalarda mövcuddur.

B1 vitamini: Mərcimək, portağal, lobyada mövcuddur.

B2 vitamini: Suda əriyir. Sinir sistemi üçün vacib vitamindir. Vücudda hüceyrələrin böyüməsi və inkişafı üçün vacibdir. Əksikliyi zamanı ağız ətrafında iltihablanma, ağız və dildə yaralar meydana gəlir.
B7 vitaminləri: Biotin olaraq ifadə edilən vitamin saç tökülməsinə faydalıdır. Suda əriyir. Əksikliyi zamanı bağırsaqda iltihabın ayranmasına səbəb olur. Kartof, banan, qoz kimi qidalarda mövcuddur.

C vitamini: İnsan vücudu üçün əhəmiyyətlidir. Kollagen istehsalında, yaranın sağalmasında faydalıdır. Antioksidantdır. Kifayət qədər qəbul edilmədikdə iştahsızlıq, diş əti qanaması, halsızlıq yaranır.

D vitamini: insan vücudu üçün faydalıdır. Əksikliyi zamanı sümüklər yumşalır. Günəşin zərərli şüalarından qoruyur.

E vitamini: Stresin qarşısını almaqda faydalıdır. Əksikliyinə nadir hallarda rastlamaq olar. Zeytun yağı, fındıq yağı, balıqlar, yumurta, kivi kimi qidalarda mövcuddur.
Vitamin qəbul etmək istədikdə mütləq vücudunuzun hansı vitaminə ehtiyacı olduğunu dəqiqləşdirin. Əks halda istənilməyən problemlərlə üzləşə bilərsiniz.