Uşaqlar intellektinə görə kimə borcludur? - ARAŞDIRMA

Uşaq intellektual qabiliyyətləri hansı valideynindən alır?
KONKRET.azbu barədə elmi araşdırmanın xülasəsini təqdim edir.
Həmin araşdırmaya görə, uşağın intellektini əsasən irsi faktorlar formalaşdırır. Bu rəqəm 40-60 faiz civarında dəyişir. Qalan faizlər ətraf mühitin təsirindən asılıdır. Amma elm adamları müəyyən ediblər ki, övlad intellektual qabiliyyətini əsasən anadan alır.
Belə ki, qadın cinsindəki X xromosomu intellektual geni daşıyır. Atanın X xromosomu olsa da, geni deaktivdir. Ona görə də anadan gələn gen daha fəaldır. Alimlər bunu siçanlar üzərində təcrübə apararaq aşkar ediblər.
Məlum olub ki, siçan anasının intellektual genlərinin ikiqat dozasını alırsa, o, kiçik bədənli, lakin böyük beyinlə doğulur. Amma atalıq genləri iki dəfə çox olarsa, beyin kiçik, bədən isə böyük olur.
Üstəlik, uşaqlar ata genlərindən cinsi davranış, fiziki forma və digər xüsusiyyətlər daşıyır. Ancaq ananın genləri idrak funksiyalarına cavabdehdir: düşüncə, analitik qabiliyyət, proqnozlaşdırma və s. xüsusilə qadından asılıdır.
Digər bir qrup alim bir neçə il 14-22 yaşlı gənclərlə müsahibələr aparıb. Ümumilikdə sorğuda 12 686 nəfər iştirak edib.
Sorğuda iştirak edənlər müxtəlif sosial-iqtisadi qruplara mənsub olub. İştirakçıların təhsili, irqi, milliyyəti fərqli olsa da, nəticələr eynilik təşkil edib. Müsahiblərin intellekti analarının İQ-sindən maksimum 15 bal fərqlənib.
Hazırladı: Rəsmiyyə Şərifova,
KONKRET.az