Quru göz sindromundan kim əziyyət çəkir?

Müasir şərait, texnika öz yenilikləri, asanlıqları ilə yanaşı çətinliklər də gətirərək xəstəliklərin başlanğıcını qoya bilirlər.

Doktorinfo.az xəbər verir ki, son zamanlar oftalmoloji problemlər sırasında quru göz sindromunun adı kifayət qədər çəkilir. Müasir cihazlarla işləyən iş yerlərində daha çox bu problem mövcud olur. Belə ki, burada çalışan insanlarda göz ağrısı, göz quruluğu, yanma kimi problemlər yarana bilər.

Aparılan araşdırmalara görə, quru goz sindromu hallarının hazırda 70 faiz artıb. Oftalmoloqların bildirdiklərinə görə, telefon, planşet və noutbuk kimi ağıllı cihazlardan çox istifadə, kondisionerli mühitdə işləmək, kifayət qədər maye istehlak etməmək, müxtəlif daxili xəstəliklər və bu xəstəliklərin müalicəsi üçün istifadə edilən bəzi dermanlar gözlərdə quruluğa səbəb olur.

Qorxulu problem olmasa da ciddi yanaşmaq tələb edir. Belə ki, erkən diaqnoz və müalicə ilə şikayətlər azalır. Ancaq buna baxmayaraq problemi tamamilə aradan qaldıracaq üsul hələ də tapılmayıb. Düzgün müalicə ilə ömür boyu nəzarətdə saxlamaq olar.

Bu isə adətən süni göz yaşları vasitəsilə edilir. Bu növ damlalar goz quruluguna effektiv təsirə malikdir.

Goz qurulugunun elametleri
Yanma

Sancı

Ağrı

Gözdə yad cismin qalması hissi

Görmədə zəiflik

Görmədə bulanıqlıq və s.