Hamiləlikdə USM-nin vacibliyi - Radioloqdan açıqlama

Hamiləlik müddəti olduqca uzun və məsuliyyətli müddətdir. Xüsusilə də ilk üç ayına xüsusi diqqət yetirmək lazımdır.

Hamiləliyin ilk üçaylığında ultrasəs müayinəsi nə üçün lazımdır?

Doktorinfo.az xəbər verir ki, radioloq Yaqut Hüseynin sözlərinə görə, hamiləliyin ilk üç ayı çətin dövrdür:

"Bu dövrdə körpənin bədəninin daxili orqanları və sistemləri meydana gəlir ki, onun gələcək sağlamlığı bundan asılıdır. İlk üç aylıq dövrün ultrasəs skrininqi 11-13 həftə müddətində aparılır".

Radioloq müayinənin vəzifələrindən də bəhs edib:

"Gestational yaşın aydınlaşdırılması;

Dölün yerinin təyini,

Dölün inkişafının təhlili (dölün ətraflarının, onurğasının inkişaf derecesinin, ölçüsünün gestasional yaş normasına uyğun olub-olmaması və s.);
Amniotik mayenin keyfiyyəti və miqdarının qiymətləndirilməsi;

Hamiləliyin pozulma təhlükəsi varsa, onun müəyyən edilməsi;

Xromosom anomaliyalarının ultrasəs markerlərinin təhlili cəhətdən ultrasəs müayinəsi əhəmiyyət kəsb edir".

Bu səbəbdən USM zamanında doğru həkim tərəfindən icra edilməlidir.