Radioterapiyanın xərçəng müalicəsində faydası varmı?

Süd vəzi xərçəngi Azərbaycanda da geniş yayılmış xəstəliklərdən biridir. Bu xəstəlikdə erkən diaqnoz böyük əhəmiyyət kəsb edir. Şişin ölçüsündən, formasından, növündən asılı olaraq müalicə üsulu tərtib edilir.

Bəs süd vəzi xərçəngində şüa müalicəsinin faydası vamı?

Doktorinfo.az xəbər verir ki, bədxassəli hüceyrələrin yüksək X şüaları ilə yox edilməsi şüa müalicəsi adlanır. Radioterapiya süd vəzisi xərçəngi kimi sürətli böyüyən hüceyrələrin yox edilməsində son dərəcə təsirlidir.

Nəzərə çatdıraq ki, bu şüa, sağlam süd vəzisi hüceyrələrinə mənfi təsir göstərir. Ancaq buna baxmayaraq vaxt keçdikcə sagalma müşahidə edilir.
Bəs radioterapiya kimlərə tətbiq olunur?

Şiş böyüklüyü olanlar

Tutulan limfa düyünlərinin sayının çoxluğunda

Süd vəzisinin bütünlüklə götürüldüyü bəzi xəstələrə tətbiq edilir.
Tək sud vəzisi xəstəliyində deyil, xərçəng xəstəliyinin bir çox növündə bu üsuldan istifadə edilir. Bezi növlərdə, vəziyyətlərdə radioterapiya üsulu yeganə müalicə vasitəsidir. Bir çox hallarda sağalmaq ehtimalı yüksək olur.

Hətta bəzən əməliyyatdan öncə tətbiq edilir. Meqsed isə əməliyyatdan öncə mövcud şişləri minimum ölçüyə gətirməkdir.

Cərrahi əməliyyat aparılmadan da radioterapiya və kimyaterapiya birbaşa tətbiq edilə bilər.

Bu ən çox xəstəliyinizin hansı mərhələdə olduğu və bu üsulun faydalı olub-olmamağından asılıdır. Bunu isə analizlərinizə əsasən həkiminiz təyin edə bilər.