Gözləriniz tez-tez qaşınır? - Əsas səbəbləri və müalicəsi

Gündəlik həyatda şəxsi narahat edən və əllərin mütəmadi gözdə olmasına səbəb olan göz qaşıntısının altında bir neçə faktorlar və xəstəliklər yata bilər. Göz qaşıntısının əsas faktoru gözdə meydana gələn allergiyadır. Bu allergiyalar adətən mövsüm keçişlərində yaşanmaqla birlikdə qaşıntıyla yanaşı bir sıra qızarıqlıq və gözdə şişmə də meydana gətirir. Allergenlərlə yanaşı immunitet sisteminin düşməsi ilə yanaşı qrip, soyuqdeyme, quru göz və yorğunluq da göz qaşıntısının səbəbləri arasında yer alır. Adətən ciddi vəziyyətin xəbərçisi olmayan göz qaşıntısı, göz təmizliyi, göz damlaları və bəzi təbii üsullarla yaxşılaşır.

Göz qaşıntısı nə üçün olur?

Doktorinfo.az məlumat verir ki, səbəbi polen və ya ev heyvanı növü kimi allergiyalar, toz duman kimi narahat edən maddələr, lasyon kimi məhsullar və mövsümi dəyişiklikdir. Əsas faktor olan allergiyalarla yanasi göz qaşıntısına səbəb olan vəziyyətlər qırmızı goz xəstəliyi, blefarit, quru göz sindromu, gözə girən bir sıra yad maddələrdir.
Göz qaşıntısına səbəb olan vəziyyətlər nələrdir?

Mövsümi və ya mütəmadi olan allergenlər

Makiyaj məhsulları

İnfeksiyalar

Qırmızı göz xəstəliyi

Quru göz sindromu

Yad maddələr

Göz yorğunluğu

İnfeksiyalar – Göz qaşıntısına səbəb olan ən geniş yayılmış infeksiya növü konyuktivit olaraq bilinən çəhrayı gözdür. Bu sadəcə konyuktivit və ya gözün iç zerinin iltihablanması mənasına gəlir. Bu infeksiya hər yaşda ortaya çıxa bilər, ancaq adətən uşaqlarda görülür. Çəhrayı göz infeksiyası sonrası gözlərdə qaşıntı, şişlik yarana bilər.

Qrip və soyuqdəymə - Viral və göbələk infeksiyalarıyla birlikdə qrip və soyuqdəymə də vücuddakı infeksiyaya bağlı olaraq gözlərdə qaşıntı və sulanmaya səbəb olur. Uyğun göz damlaları bu müddətdə infeksiyaların səbəb olduğu göz qaşıntısını yaxşılaşdıra bilər.

Göz yorğunluğu – Xüsusilə uzunmüddət kompüter ekranına baxmaq, qaranlıq ortamda kitab oxumaq və uzunmüddət nəqliyyat istifadə etmək kimi vəziyyətlər göz yorğunluğuna səbəbiyyət verir və qaşıntı problemləri ortaya çıxır.

Göz qaşıntısının qaşınma hissindən əlavə əlamətləri bunlardır:

Gözdə yanma, qızarıqlıq, şişlik

Şəffaf su axması

Asqırma

Burun axıntısı

Yaşıl və ya sarı irin
Göz qaşıntısına yaxşı təsir göstərən üsullar nələrdir?

Soyuq ya da isti kompres tətbiq etmək

Göz damlaları istifadə etmək

Göz ətrafını təmiz tutmaq

Antihistamin dərmanlar

Qaşıntı keçənə qədər gözləri dincəltmək üçün kontakt linzaya ara vermək

Allergenlerden uzaq durmağa çalışmaq

Gözü mümkün qədər qaşımamaq
Yay aylarında gözü günəşdən qorumaq

Göz qaşıntısı təhlükəlidirmi?

Göz qaşıntısı, adətən allergiya, infeksiya, ətraf faktorlarla bağlı olaraq meydana gəlir. Təbii üsullarla təsirləri azaldıla bilən göz qaşıntısı, şiddətli olduğunda göz həkiminə müraciət etməyiniz tövsiyə edilir.