"Gözəllik qurban tələb edir" - Makiyajın fəsadları nədir?

Xanımlarım gündəlik istifadə etdikləri makiyaj sadə və zərərsiz kimi görünür. Hətta çox zaman üz təmizlənməmiş belə qala bilir. Əslində isə makiyaj materiallarının dermatoloji cəhətdən bir çox əks təsiri ola bilər. Bu barədə mütəxəssislər həyəcan təbili çalırlar.

Bəs zərərləri nələrdir?
Doktorinfo.az məlumat verir ki, bir çox məhsulların hazırlanma texnikası düzgün olmadığından həssas dəriyə allergik tesir verə bilər. Neticede isə üz dərisində sepkiler yarana bilər. Həmçinin həmin nahiyədə qızartı, qaşıntı, qabıqlanma müşahidə edilə bilər.

Əgər bu reaksiya göze təsir edirsə bu zaman gözdə sulanma, ağrılar, qaşıntı yaranır. Bu zaman isə allergiyaya səbəb olan məhsulun istifadəsi dərhal dayandırılmalıdır. Əgər şəxsdə makiyaj məhsullarına görə allergik reaksiya yaranıbsa və buna səbəb olan maddə aşkar edilibsə daha çox diqqətli olmaqda fayda vardır. Alınan mehsulların terkibi oxunmalı, allergik maddənin mövcudluğu yoxlanılmalıdır.
İstifadə edilən makiyaj mehsullari dəri tipinə uyğun təyin edilməlidir. Çünki yağlı dəri üçün quru dəriyə uyğun olan kremlər seçilərsə bu dərinin zədələnməsinə yol aça bilər.
Bununla yanaşı bu növ məhsulların istehsal ölkəsinə, müddətinə diqqət yetirmək lazımdır. Allergik reaksiyalar daha çox saxta, original olmayan məhsullarda baş verir. Belə məhsulların kirpik üçün istifadə edilmesi isə daha çox problemlərə yol açır. Bu zaman bir çox gözdə konyuktivit yarana bilir, həmçinin digər növ infeksiyaların yaranmaq ehtimalı yüksəlir.

Makiyaj ederken diqqətli olacağınız daha bir nüans isə istifadə edilən fırçalardır. Belə fırçalar şəxsə özəl olmalıdır və bir neçə nəfərin istifadəsi doğru hesab edilmir. Həftədə bir dəfə isə fırçalar yuyulmalıdır.