Göz xəstəlikləri hansılardır?

Göz insan vücudunun ən həssas orqanlarından biridir. Gözdə yaranan ağrılara ötəri baxmaq düzgün deyil. Yaranan qızartı, ağrı, sulanma və s. kimi əlamətlər müşahidə edilirsə bu gözdə yaranan problemin ilkin göstəricisi ola bilər.

Doktorinfo.az xəbər verir ki, bir çox əlamətlər oxşar olsa da müalicələr qoyulan diaqnoza görə qoyulur.

En cox yayilan goz xestelikleri hansilardir?
Miopiya – görmə qabiliyyətinin zəifləməsi problemidir. Göz almacığının bir az böyümüş formasıdır. Bu xəstəlik əsnasında görmə qabiliyyəti pisləşir. Yaxından görmə xəstəliyidir.

Strabismus – goz funksiyasının pozulması xəstəliyidir. 2-4 yaşlı uşaqlarda rast gəlinir. Erkən diaqnoz və müalicə vacibdir. Gecikmə baş verərsə görmə qüsuru daha da dərinləşir.

Hipermetropiya – uzaqgörmə problemidir. Belə xəstələr uzağı yaxşı gördüyü halda yaxını görə bilmir və ya çox zəif görür.

Katarakta – el arasında "Mirvari suyu" da deyilir. Ən geniş yayılan göz xəstəlikləri sırasında yer alır. Yaşlı insanların əksəriyyətində müşahidə edilir. Görmə qüsuru yaranır. Müalicəsi əməliyyat ilə aparılır. Gözün önündəki pərdə götürülür.
Astiqmatizm – yayılan göz xəstəlikləri sırasında yer alır. Görmənin fokslanması pozulur. Anadangəlmə və ya sonradan yarana bilər. Linza və ya eynəklərlə müalicə yazılır. Əks halda görmə qabiliyyəti kəskin formada azalır.

Daltonizm – digər adı "Rəng korluğu"dur. Belə insanlar rəngləri düzgün formada ayırd edə bilmirlər.
Quru göz sindromu – bu zaman göz qapağı və buynuzlu qişa kifayət qədər nəm olmur. İnsanın gözündə ağrılar yaranır, işığa qarı həssaslıq və digər simptomlar üzə çıxır.

Kompüter sindromu – bəzi insanlar vaxtlarının əksəriyyətini kompüter arxasında keçirir. Baş ağrısı, iti görmə qabiliyyətnin zəifləməsi, göz ağrısı müşayiət edilir. Bu hal miopiyanın yaranmasına, artmasına zəmin yaradır. Bu səbəbdən iş rejiminə diqqət etmək lazımdır.

Bu və buna bənzər daha bir çox göz xəstəlikləri mövcuddur. Əgər görmə qabiliyyətinizdə zəifləmə hiss etsəniz həkimə müraciət etməyiniz tövsiyə edilir. Çünki erkən diaqnozla daha uğurlu nəticə əldə edilir.

Bundan əlavə travma, qəza nəticəsində gözün içərisinə yad cism daxil ola bilər. Hansı ki ilk zamanlarda ağrıdan bilinməyə bilər. Ancaq göz ağrısı, gözə batma hissi davam edərsə, artarsa həkimə müraciət edilməlidir. Əks halda göz qişasını zədələyərək korluğa səbəb ola bilər.