Fəsil dəyişkənliyi zamanı nələrə diqqət etmək lazımdır?

Tətil mövsümünün sona çatması, iş-məktəblərin açılması ilə gündəlik yorğunluqlar da artacaq. Havaların dəyişkən keçməsi də xəstəliklər üçün şərait yaradacaqdır. Mövsüm keçişlərində bəzi məqamlara diqqət etmək lazımdır.

İmmunitet sistemi, bədənin problemlərinə qarşı qorunma mexanizmini əhatə edən qarışıq bir vəziyyətdir və yad, zərəri toxunan cismlərdən uzaq tutur. Bu sistem, bədənimizə daxil olan minlərlə bakteriya, mikrob, virus, toksin və parazitlərə qarşı mübarizə etmək üçün hazırlanmışdır. Mövsümlə əlaqəli olaraq gerçəkləşən ani isti-soyuq dəyişkənliyi, bədənin immunitetini zəiflədir. Bu səbəbdən qrip, boğazda ağrı, soyuqdəymə kimi infeksiyalar ortaya çıxa bilir.
Mövsüm keçişlərində xəstəliklərdən necə uzaq durulmalıdır?

Fəsil dəyişkənliyi adətən immuniteti aşağı olan insanlara təsir edir. Virusdan qorunmaq üçün bəzi istiqamətlər vardır və bu üsulları aşağıdakı kimi sıralaya bilərik:
Qrip olmuş insanlara 1,5 metrdən çox yaxınlaşılmamalıdır
Ortaq istifadə edilən masa, telefon, qələm kimi əşyalar təmizlənməli

Açıq ofis, xəstəxana, fabrika kimi adam çox olan ortamlarda apteklərdə satılan dezinfeksiya ilə əllər təmizlənməlidir

Qapalı otaqlar havalandırılmalı

Yuxu rejiminin mütəmadi olması vacibdir

Stresdən uzaq durmalı

Siqaretdən imtina edilməli

Qribal infeksiyalar insan sağlamlığına mənfi təsir göstərir. Bu səbəbdən ağciyər xəstəliyi olan insanların diqqət etməsi vacibdir.
Qrip üçün təbii qorunma üsulları nələrdir?

Soyuqdəymə və qrip üçün istifadə edilən dərmanlar, ağrı, qızdırma, burun tıxanıqlığı, öskürək kimi problemləri keçirər, ancaq qripin qarşısını tam olaraq ala bilməz. Qripə qarşı təbii qorunma üsullarını təqdim edirik:

Bol maye qəbul etmək, duzlu su ilə qarqara etmək

Nanə-limon, çobanyastığı çaylarından istifadə etmək

İlıq su ilə duş qəbul etmək, qızdırmanı 2 dərəcə azalda bilər

C vitamini deposu olaraq portağal, naringi, limon istifadə edilməlidir

Həftənin üç günü mütəmadi idman etmək lazımdır.

Toz halında bir çay qaşığı zəncəfil, sarıkök və darçını bir yemək qaşığı balla qarışdırıb məcun halına gətirdikdən sonra 8 saat arayla gündə üç dəfə istifadə etmək öskürəyin rahatlanmasına faydalı olacaqdır. Ancaq şikayətlərin davam etməsi vəziyyətində mütəxəssisə müraciət etmək lazımdır.

Mövsüm keçişlərində necə qidalanmaq lazımdır?
Düzgün qidalanmaq insan sağlamlığı üçün vacibdir. Düzgün qidalanma olmadığı zaman vücud gücünü itirir. Qidalanma gündə 3 əsas yemək və 2 ara yemək olaraq tənzimlənməlidir. Keyfiyyətsiz qidalar istifadə edilməməlidir. Qidalardan alınan vitaminlər şəxsin immunitet sistemini qüvvətləndirir. Mövsümünə uyğun meyvə və tərəvəzlərdən istifadə edilməlidir. Ət, süd, süd məhsulları kimi protein qaynaqlı qidalar istifadə etmək mövsüm keçişlərində bədənin protein ehtiyacını önəmli miqdarda qarşılayır. Bununla da fəsil keçişləri daha rahat olur. Bunun üçün C və A vitamini istifadə edilməlidir.

Fəsil dəyişkənliyi zamanı allergik rinit, bronxit, astma kimi problemlər daha çox müşahidə edilir.

Su, immunitet sistemi üçün çox vacibdir. Bu səbəbdən maye çox qəbul edilməlidir.