Ətin yuyulması zərərliymiş... - Doğru bilinən yanlışlar nədir?

Vücudun təməl protein qaynaqlarından olan qırmızı ət mətbəxin olmazsa olmaz qidalarından hesab olunur.

Bəs hazırlanan zaman hər şeyi düzgün qaydada edirikmi?

Əksər insan istər toyuq, istər digər ət növlərini hazırlamamışdan öncə yaxşıca yuyur.

Bu, doğru addımdırmı?

Sağlamlıq üçün zərəri varmı?

Son zamanlar isə mütəxəssislər ətin bişirilmədən öncə yuyulmasını doğru hesab etmir.

Bir çox evdə ətlər dərhal soyuq su ilə yuyulur. Bunun təməl səbəbi isə üzərində olan mikrobları təmizləməkdir. Hətta müəyyən qədər suyun içində gözlətdikdən sonra durulanaraq bişirmə mərhələsinə keçir.
Bəs həqiqətən belədirmi?

Doktorinfo.az xəbər verir ki, son aparılan araşdırmalar bunun doğru olmadığını sübut edib. Çünki bəzi bakteriyalar var ki ətlərin üzərində dayanıb təmizlənməyə bilər, əksinə onlara daha sürətlə yayılması üçün zəmin yaradar. Bu vəziyyəti nəzərə alaraq bəyaz ya da qırmızı ətin yuyulmağa ehtiyacı olmadığı bildirilir.

Amerikalı Qida Şirkətinin apardığı araşdırmalara görə, ətin üzərindəki bütün bakteriyaların yox olması və güvənərək istifadə etmək üçün müəyyən istilikdə bişirilməsi əslində yetərlidir. Qırmızı ya da bəyaz əti uyğun istilikdə bişirərək bakteriyalarını və mikroblarını öldürməyiniz mümkündür. Xüsusilə ağ əti 73 dərəcə və üzəri istilikdə yaxşı bişirmək bakteriyaları yox etməyə kifayət edir.

Digər inanc isə bəyaz ya da qırmızı əti isti suda yuyan zaman bakteriyaların yox olmasıdır. Ancaq araşdırmlar göstərir ki, bunun hansısa faydası yoxdur. Ancaq isti suda yumaq ətin quruluşunu poza bilər.

Sirkə kimi asidik quruluşdakı maddələr istifadə edildiyi zaman ləzzətini artıra bilər, ancaq gigiyenik hala gətirmək üçün seçilən üsullardan biri deyil. Soda-limon kimi mehsullarin birlikdə istifadəsi ətin ləzzətini poza bilər. Bu səbəbdən isti ya da soyuq su başda olmaq üzrə, digər maddələrlə də əti yumamaq gərəklidir.

Bu tip yumaq şəklindən sadəcə ətin üzərində yad maddə gördüyünüz zaman, təmiz olduğuna əmin olmadığınız vəziyyətlərdə istifadə edə bilərsiniz.
Yenə də ürəyiniz rahat deyilsə bəzi məqamlara diqqət edərək yuya bilərsiniz. Məsələn, etin üzərində xoşagəlməz nəisə gördünüzsə ilk olaraq bütün qanını süzün. Bütün qanını süzdükdən sonra soyuq su ilə yumağa diqqət edin. İsti suyla yumaq, ətinizin az da olsa bişməsinə, toxumasının zədələnməsinə səbəb ola bilər.

Duzlu suyun içində əti gözlətməyin. Bu da ətin dadının pozulmasina səbəb olacaq.

Otaq istiliyində üzəri açıq formada əti gözlətmək daha çox bakteriyanın və mikrobun çoxalmasına səbəb ola bilər. Bu səbəbdən suyun içində gözlətmək istədiyiniz vəziyyətlərdə mütləq ağzı qapalı formada soyuducuda gözlətməyə diqqət göstərin.