Əsnəmək xəstəliyinizdən xəbər verə bilər - Nə zaman?

İnsanın qanında oksigen azlığı yaşananda ağciyər toxumaları dartılıb, açılıb daha çox oksigen almaq istəyir. Əsnəməklə insanın ağzı daha geniş açılır və çox miqdar hava daxil olur. Nəticədə qanda oksigen yüksəlir. Adətən 9-20 dəfə əsnəmək insana xas norma hesab edilir.

Doktorinfo.az məlumat verir ki, adətən yuxu gələn ərəfədə, bəzi dərmanların qəbulu, yorğunluq zamanı əsnəmək daha cox olur. Ancaq bu, patoloji səbəbdən də qaynaqlana bilər.

Bu, nə zaman baş verə bilər?
Xroniki yorğunluq, depressiya zamanı əsnəmək həddindən çox baş verir. Çox baş verən əsnəmək adətən sinir mənşəli hesab olunur. Kriz keçirənlərdə daha çox müşayiət edilir.
Belə ki, hipotalamus, hipofiz və böyrəküstü vəzilər stresden qorumaq üçün hormonlar hasil edir, orqanizmi fiziki aktivliyə hazırlayır.

Digər patoloji səbəb isə ürək-damar problemlərindən qaynaqlanan esnemekdir. Əgər ürək-damar sistemində pozulma baş verərsə insan narahat olur və avtomatik təşviş rejiminə keçir. Bu zaman isə vegetativ distoniya da yaranır.

Sinirlər hipotalamus vəzisinə yalançı siqnallar göndərir, o da əsnəmə əmri verir.
Bununla yanaşı sinir xəstəlikləri, epilepsiya, beyin şişlərində də əsnəmək çox baş verir. Dağınıq sklerozun əsas səbəbləri arasında əsnəmək də yer alır.

Bəzən endokrin səbəblər də əsnəmək prosesini sürətləndirir. Zob xəstəliyi zamani yorğunluqla yanaşı, əsnəmək də baş verir. Bu əlamət belə sayıla bilər. Əgər gün ərzində 30 dəfə və ondan çox dərindən nəfəs alırsınızsa bu hansısa orqandakı problemin xəbərçisi ola bilər. Bu səbəbdən əlamətlər baş verən zaman həkimə müraciət etməyiniz tövsiyə edilir.