Disbakterioz

Disbakterioz – Bağırsağın normal mikroflorasının pozulmasıdır.

Doktorinfo.az xəbər verir ki, normada sağlam insan orqanizmində müəyyən miqdarda faydalı və patogen və ya xəstəlik törədən bakteriyalar vardır. Müxtəlif səbəblərdən - uzun müddət antibiotiklərin qəbulu, tərkibində kimyəvi konservantlar olan qidalar, kəskin bağırsaq infeksiyaları, pis ekoloji şərait, daimi stress, qeyri düzgün qidalanma, orqanizmin ümumi zəifliyi və s. zamanı bağırsaqda olan patogen mikrobların miqdarı artır.

Dizbakterioz əsasən mikroorqanizmlərin daha çox yerləşdiyi yoğun bağırsaqda əmələ gəlir. Bu zaman bifidobakteriyaların və laktobasillərin miqdarı azalır, şərti patogen mikrobların miqdarı isə azalır. Əsas simptomları qarında ağrı, diareya, xroniki qəbizlik, meteorizm, iştahasızlıq, ağızdan pis qoxunun gəlməsi, qıcqırma,allergik reaksiyalar, yüngül temperaturdur.

Dizbakteriozun xalq təbabəti üsulu ilə müalicəsi

Reseptlər:

Dizbakterioz zamanı 2 baş sarımsaq , 5 orta ölçülü soğan xırda doğranılır, üzərinə 1 l. kefir əlavə olunur. Yaxşıca qarışdırılır və 5 gün soyuducuda saxlanılır. 1 həftədən az olmayaraq gündə 3 dəfə 1 xörək qaşığı qəbul edilir.

2 həftə ərzində disbakterioz əlamətləri keçənə qədər gündə 3 dəfə yeməkdən 1,5 saat əvvəl 1 stəkan kefir içmək məsləhətdir. Günaşırı gündə 2 dəfə səhər-axşam yeməkdən sonra 1 diş sarımsaq udmaq çox faydalıdır.

3 xörək qaşığı evkalipt yarpağı üzərinə 0,5 litr qaynar su əlavə olunur,ağzı örtülü qabda dəmlənir, gündə 3 dəfə ¼ stəkan qəbul edilir. Həmçinin bu dəmləmə ilə 1həftə ərzində təmizləyici imalə də etmək olar.

Sonra 2 həftə müddətində sarımsaq yeyin. 3 xörək qaşığı quru və ya təzə nanə yarpağı 1 stəkan qaynar suda dəmlənir, soyudulur, gün ərzində ¾ stəkan içilir. 2 xörək qaşığı aptek çobanyastığı çiçəyi 1 stəkan suda dəmlənir,soyudulur gündə 3dəfə ¼ stəkan içilir.

Əgər xroniki qəbizlikdən bərabər miqdarda kövrək murdarça qabığı, şirin biyan kökü, keşniş toxumu götürün. 3 xörək qaşığı qarışığın üzərinə 1 stəkan qaynar su tökülür, 10 dəq. qaynadılır, tənzifdən süzün və axşamlar 0,5 stəkan için.

4 çay qaşığı şüyüd toxumu üzərinə 1stəkan qaynar su tökülür, 2 saat dəmlənir,sonra soyudulur gün ərzində bir neçə dəfə içilir.
10 qram günəbaxan tumu, 10 qram təmizlənmiş balqabaq tumu , 10 qram fındıq qarışdırılır üyüdülür və üzərinə 100 ml qaynar su əlavə olunur.

Alınmış qarışıqdan gün ərzində 2 dəfə (50 ml) qəbul edilir. Müalicə kursu 10 gündür.

Eyni miqdarda dazıotu, çobanyastığı, bağayarpağı, nanə və ayıpəncəsi götürülür, qarışıqdan 1 xörək qaşığı götürülür yarım litr suda 1 saat dəmlənir, üzərinə bal əlavə olunaraq gün ərzində az-az içilir.

Dr. Elnur Eldaroğlu