Çoxunun əziyyət çəkdiyi problem olan "Gül xəstəliyi" nədir?

Gül xəstəliyi olaraq bilinən rozasea, adətən 30 yaşlardan sonra kişilərdə və qadınlarda müşahidə edilir. Açıq dərili şəxslərdə daha çox görülən bu xəstəlik, üzdə qızarıqlığa və qırmızı nöqtələrə səbəb ola bilən dəri xəstəliyidir. Sonrakı zamanlarda sinə nahiyəsinə və kürək hissəsinə də yayıla bilən bu vəziyyət, təkrarlaya bilən xroniki dəri narahatçılığıdır.

Gül xəstəliyinin əlamətləri nələrdir?

Şəxsdən-şəxsə dəyişə bilən xəstəlik, vəziyyətləri, əlamətləri və simptomlar baxımından da fərqlilik göstərir. Xəstəliyi mövcud olan şəxslərin vücudlarında ya da üz ətrafında günəş yanıqlarına bənzəyən qızarıqlıqlar ortaya çıxa bilər. Bu qızarıqlıqlar bəzi vəziyyətlərdə şişliyə səbəb ola bilərkən sızanağa da bənzəyə bilər. Şəxsin üzündə batma hissi ya da yanma ola bilər. Bunların yanında şəxsin yaşaya biləcəyi gül xəstəliyinin əlamətləri aşağıdakılardır:

Üzdə ağrı və ya yanmalar

Dərinin quruması

Dəri rənginin dəyişməsi

Üzdəki və dəridəki damarların gözlə görülə bilən olması

Burunun böyüməsi və genişlənməsi

Vücudda və dəridə qaşıntı vəziyyəti və səpkilər.
Rozasea xəstəliyinin səbəbləri

Xəstəliyin səbəbi dəqiq olaraq bilinməsə də bir sıra faktorların rol oynadığı zənn edilir. Bəzi psixoloji, dəri problemlər buna zəmin yarada bilər.
Gül xəstəliyinin zənn edilən səbəbləri bu formada sıralanır:

Spirtli içki

Ədviyyat miqdarı yüksək olan qidalar

Yüksək istiliklər

Günəşə məruz qalmaq

Makiyaj üçün istifadə edilən məhsullar

Stress.

Diaqnoz üsulları

Bunun üçün xüsusi test mövcud deyil. Dəridə baş verən dəyişikliklər sayəsində təsbit edilir. Ancaq bu xəstəliyin əlamətləri ilə bənzər vəziyyətlər daşıyan sədəf xəstəliyi, ekzema, sızanaq kimi vəziyyətlər ilə qarışdırılmaması üçün bir sıra analizlər istənilə bilər.
Müalicə üsulları

Simptomlara görə təyin edilən müalicə üsulları fərqlidir. Müalicə, dərman, lazer tətbiqi, cərrahi müdaxilələr vasitəsilə aparılır. Üz nahiyəsində yaranan qızarıqlıqlar daha çox müşahidə edilən vəziyyətdir. Bu zaman krem və ağız yolu ilə qəbul edilən dərmanlardan daha çox istifadə edilir. Antibiotik tərkibli krem, gellər də effektli rola sahibdirlər. Adətən bu növ məlhəmlər çox istifadə edilmədiyi üçün həkim nəzarəti çərçivəsində edilməsi tövsiyədir. Çünki bu tərkibli kremlər, gellər çox istifadə edildiyi təqdirdə dəridə problemlərə yol aça bilər. Həkim tərəfindən müəyyən edilən müalicələrdə istifadə edilən mezoterapiya üsulları dərini nəmləndirir, damarları isə gücləndirərək çatlamaların qarşısını alır. Adətən gənclərdə daha tez nəticə verir.

Qeyd edək ki, müalicə əsnasında spirtli içkilərdən və mənfi vərdişlərdən uzaq durmaq lazımdır.